ମର୍ମନ୍ତୁଦ ସଡକ ଦୁର୍ଘଟଣା : ୩ ମୃତ

ଆଗ୍ରା : ବାଇକ୍‌ ସହ ଟ୍ରକ୍‌ର ଧକ୍କା । ଯାହାଫଳରେ ତିନି ଜଣଙ୍କର ମୃତ୍ୟୁ ହୋଇଛି। ବୁଧବାର ସକାଳେ ଉତ୍ତର ପ୍ରଦେଶର ଆଗ୍ରା ଅଞ୍ଚଳର ଡଉକି ଥାନା ଅନ୍ତର୍ଗତ ନାଗଲା ଦେବହଂସର ଫତେହାବାଦ ରାସ୍ତାରେ ଘଟିଛି ଏଭଳି ମର୍ମନ୍ତୁଦ ସଡକ ଦୁର୍ଘଟଣା । ମୃତକମାନେ ମା, ପୁଅ ଓ ଝିଅ ବୋଲି ପୁଲିସ କହିଛି। ଦୁର୍ଘଟଣା ପରେ ଗ୍ରାମବାସୀ ଉତ୍ତେଜନା ପ୍ରକାଶ କରିଥିଲେ। ପୁଲିସ ଲୋକଙ୍କୁ ବୁଝାସୁଝା କରି ଘଟଣାକୁ ଶାନ୍ତ କରିଥିଲା। ମୃତକମାନେ ହେଲେ ହରିପର୍ବତ ଖଣ୍ଡାରୀର ଆଜାଦ ନଗରରେ ରହୁଥିବା କଳାବତୀ, ତାଙ୍କ ଝିଅ ଅଞ୍ଜଳି ଓ ପୁଅ ଆଶିଷ। ବୁଧବାର ପୂର୍ବାହ୍ନ ୧୧ଟା ୧୫ମିନିଟରେ ଏହି ଘଟଣା ଘଟିଛି। ଡାଉକିର ନାଗଲା ଦେବହଂସ ନିକଟରେ ଫତେହାବାଦ ଅଭିମୁଖେ ଯାଉଥିବା ଏକ ଟ୍ରକ୍‌ ବିପରୀତ ଦିଗରୁ ଆସୁଥିବା ବାଇକ୍‌ରେ ଯାଉଥିବା ୩ ଜଣଙ୍କୁ ଧକ୍କା ଦେଇଥିଲା। ବାଇକରେ ଦୁଇ ଜଣ ମହିଳା ଓ ଜଣେ ଯୁବକ ଥିଲେ। ଗ୍ରାମବାସୀ ପୁଲିସ ସହାୟତାରେ ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତିନିଜଣଙ୍କୁ ମୃତ ଘୋଷଣା କରିଥିଲେ। ବାଇକ୍ ଆରୋହୀମାନେ ଆଗ୍ରାରୁ ଫତେହାବାଦ ଯାଉଥିଲେ।