ବଜ୍ରପାତରେ ଚାଷୀ ମୃତ

ସୁବର୍ଣ୍ଣପୁର:  ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ଅନ୍ତର୍ଗତ ଜଟେସିଂହା  ଗ୍ରାମର ଚାଷୀ ରସାନନ୍ଦ ସାହୁଙ୍କର ବଜ୍ରାପାତରେ ମୃତ୍ୟୁ ଘଟିଛି ।  ଗୁରୁବାର ଅପରାହ୍ଣରେ  ରସାନନ୍ଦ ତାଙ୍କ ଚାଷଜମିକୁ  ଲଟା ବାଛିବାକୁ ଯାଇଥିଲେ ।  ହଠାତ ଘଡଘଡି ବର୍ଷା ହେବାରୁ  ଘରକୁ ଫେରି ଆସୁଥିବା ବେଳେ ବଜ୍ରପାତରେ ଗୁରୁତର ହୋଇପଡିଥିଲେ। ଆମ୍ବୁଲାନ୍ସ ଯୋଗେ ତାଙ୍କୁ ବୀରମହାରାଜପୁର ଡାକ୍ତରଖାନାକୁ  ଅଣାଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।  ସନ୍ଧ୍ୟା ହୋଇଯାଇଥିବାରୁ ଶବ ବ୍ୟବଚ୍ଛେଦ କରାଯାଇପାରିନାହିଁ ।  ଶୁକ୍ରବାର ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର  କରାଯିବ ବୋଲି ସୂଚନା ମିଳିଛି ।  ମୃତକଙ୍କ ସ୍ତ୍ରୀ ଏବଂ ଜଣେ ପୁଅ, ଝିଅ ଅଛନ୍ତି ।  ତାଙ୍କ ପରିବାରକୁ ସରକାରୀ ସହାୟତା ପ୍ରଦାନ କରିବା ନିମନ୍ତେ ଗ୍ରାମବାସୀ  ପ୍ରଶାସନକୁ ଅନୁରୋଧ କରିଛନ୍ତି ।