ବିବାହ ପାଇଁ ପାଲଟିଲେ ନକଲି ଆଇପିଏସ

ବ୍ୟୁରୋ :  ଜୟପୁରର  ମୁସୁରୀର  ଏକ ଦୋକାନରେ  କାର୍ଯ୍ୟ କରୁଥିବା ଜଣେ ଯୁବକ  ବିବାହ ପାଇଁ ନକଲି ଆଇପିଏସ ପାଲଟିଥିଲେ । ଝିଅକୁ ପ୍ରଭାବିତ କରିବା ପାଇଁ   ଯୁବକ ଜଣଙ୍କ ପ୍ରଥମେ  ରାଜସ୍ଥାନ ପୁଲିସର  ଜଣେ କନେଷ୍ଟବଳ ଏବଂ ପରେ ଅଲୱାରରେ  ଆୟକର ବିଭାଗର  ଅଧିକାରୀ ଭାବରେ ପରିଚିତ ହୋଇଥିଲେ । ତଥାପି କିଛି  ସଫଳ ମିଳିନଥିଲା । ତାପରେ ଯୁବକ ଜଣଙ୍କ ଝିଅ ଆଗରେ ଦାବି କଲା ଯେ ତାଙ୍କୁ ଆଇପିଏସ ଅଧିକାରୀରେ ମନୋନୀତ କରାଯାଇଛି । କେବଳ ଏତିକି ନୁହେଁ ଖାଲି ସମୟରେ  ମୁସୁରି ଆଇପିଏସ ଟ୍ରେନିଂ ସେଣ୍ଟର ବାହାରେ ଯାଇ  ଫଟୋଗ୍ରାଫ କରି ସୋସିଆଲ ମିଡିଆରେ ପୋଷ୍ଟ କରନ୍ତି । ଏହାକୁ ଦେଖି ଝିଅର ପରିବାର ଲୋକ ଅତି ସହଜରେ ବିଶ୍ୱାସ କରିଦେଉଥିଲେ ।  ତାପରେ ପରିବାର ଲୋକେ ଯୁବକକୁ ଆଇପିଏସ ଅଧିକାରୀ ଭାବି ତାଙ୍କ ଝିଅ  ସହ ବାହାଘର କରିଲେ । ଦୁହେଁ ବିବାହ ବନ୍ଧନରେ ଆବଦ୍ଧ ହୋଇଥିଲେ । କିଛିଦିନ ପରେ  ଝିଅଙ୍କ ପରିବାର ଲୋକ  ସ୍ଥାନୀୟ ଲୋକଙ୍କଠାରୁ  ସୂଚନା ପାଇଥିଲେ ଯେ ଯୁବକ ଜଣଙ୍କ ଆଇପିଏସ  ଅଧିକାରୀ ନୁହଁନ୍ତି  ସେ ଏକ ଦୋକାନରେ କାମ କରୁଛନ୍ତି । ଏହି ଖବର ଶୁଣି ଝିଅଙ୍କ ପରିବାର ଲୋକଙ୍କ ପାଦରୁ ମାଟି ଖସିଯାଇଥିଲା । ଝିଅର ବାପା ଯୁବକ ଜଣଙ୍କୁ କହିଥିଲେ ଯେ ବାହାଘରର ସବୁ ଜିନିଷ ଫେରସ୍ତ କରିବା ପାଇଁ । ହେଲେ ଯୁବକ ଜଣଙ୍କ ତାହା କରିନଥିଲେ । ଏହାର ଠକେଇ ପରେ  ଝିଅ ପରିବାର ଲୋକେ ପ୍ରଗତି ପୋଲିସ ଷ୍ଟେସନ ରେ ସୁନୀଲଙ୍କ ବିରୋଧରେ  ମାମଲା ରୁଜ୍ଜୁ କରିଛନ୍ତି । ଏହାରି ପରେ ପୋଲିସ  ଅଭିଯୁକ୍ତ ସୁନୀଲଙ୍କୁ ଅଟକ ରଖି ପଚରା ଉଚରା କରୁଛି ।