ମହାରାଷ୍ଟ୍ର: ଦିନିକିଆ ମହାରାଷ୍ଟ୍ର ଗସ୍ତରେ ଆସିଥିବା କେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ ଅମିତ ଶାହ ରବିବାର ଶିରିଡିର ସାଇ ବାବା ମନ୍ଦିରରେ ପୂଜା କରିଥିଲେ। ଶାହଙ୍କ ସହ ରାଜ୍ୟ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ୍, ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ଅଜିତ ପାୱାର ପ୍ରମୁଖ ଉପସ୍ଥିତ ଥିଲେ। ଶନିବାର ରାତିରେ ଅମିତ ଶାହ ଅହଲ୍ୟାନଗର ଜିଲ୍ଲାର ଶିରିଡି ମନ୍ଦିର ସହରରେ ପହଞ୍ଚିଥିଲେ। ଶାହ ଅହଲ୍ୟାନଗର ଜିଲ୍ଲାରେ ଏକ କୃଷକ ରାଲିକୁ ମଧ୍ୟ ସମ୍ବୋଧିତ କରିଥିଲେ।
କେନ୍ଦ୍ର ଗୃହମନ୍ତ୍ରୀ ଅମିତ ଶାହ ରବିବାର କହିଛନ୍ତି ଯେ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହେବା ପରଠାରୁ ଭାରତର ଚିନି ସମବାୟ କ୍ଷେତ୍ର ଯଥେଷ୍ଟ ଲାଭବାନ ହୋଇଛି। ସେ ଅହଲ୍ୟାନଗର ଜିଲ୍ଲାରେ ଡକ୍ଟର ବିଠଲରାଓ ଭିଖେ ପାଟିଲ ସମବାୟ ଚିନି କାରଖାନାର ବିସ୍ତାରିତ କ୍ଷମତା ଉଦ୍ଘାଟନ କରିବା ପରେ ଏକ ଚାଷୀ ସମାବେଶକୁ ସମ୍ବୋଧିତ କରୁଥିଲେ। ଅମିତ ଶାହ ଚିନି ସମବାୟକୁ ଅଣ-କ୍ରସିଂ ଋତୁରେ ମଧ୍ୟ ମଲ୍ଟି-ଫିଡ୍ ଇଥାନଲ୍ ଉତ୍ପାଦନ କରିବାକୁ ନିବେଦନ କରିଛନ୍ତି।
ଅମିତ ଶାହ କହିଛନ୍ତି, “ଇଥାନଲ୍ ମିଶ୍ରଣ ଯୋଗୁଁ ଚିନି ସମବାୟର ଆର୍ଥିକ ସ୍ଥିତି ବଦଳିଛି। ପ୍ରଧାନମନ୍ତ୍ରୀ ମୋଦି ପ୍ରଧାନମନ୍ତ୍ରୀ ହେବା ପରଠାରୁ ଏହି କ୍ଷେତ୍ର ଲାଭବାନ ହୋଇଛି।” ଶାହ କହିଛନ୍ତି, “ସମ୍ପ୍ରତି ପ୍ରବଳ ବର୍ଷା ଯୋଗୁଁ ପ୍ରଭାବିତ ମହାରାଷ୍ଟ୍ରର ଚାଷୀମାନଙ୍କୁ କେନ୍ଦ୍ର ସରକାର ସମସ୍ତ ପ୍ରକାରର ସହାୟତା ଯୋଗାଇ ଦେବେ।” ରାଜ୍ୟର ଚାଷୀଙ୍କ ପାଇଁ କେନ୍ଦ୍ରୀୟ ସହାୟତା ସୁନିଶ୍ଚିତ କରିବା ପାଇଁ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସ, ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ଅଜିତ ପାୱାରଙ୍କୁ ପ୍ରଶଂସା କରିଛନ୍ତି। ଶାହା ସମବାୟ ଆନ୍ଦୋଳନର ଜଣେ ପ୍ରମୁଖ ବ୍ୟକ୍ତିତ୍ୱ ବିଠଲରାଓ ଭିଖେ ପାଟିଲ ଏବଂ ତାଙ୍କ ପୁଅ ତଥା ପୂର୍ବତନ କେନ୍ଦ୍ର ମନ୍ତ୍ରୀ ବାଲାସାହେବ ଭିଖେ ପାଟିଲଙ୍କ ପ୍ରତିମୂର୍ତ୍ତି ମଧ୍ୟ ଉନ୍ମୋଚନ କରିଛନ୍ତି।
