ଦୁର୍ଦ୍ଦାନ୍ତ ଅପରାଧୀ ଧନେଶ୍ୱରକୁ ଏନକାଉଣ୍ଟର

ସମ୍ବଲପୁର: ରେଢାଖୋଲ ପୋଲିସର ଏନକାଉଣ୍ଟର । କୁଖ୍ୟାତ ଅପରାଧୀ ଧନେଶ୍ୱର ଝଙ୍କାରକୁ ଏନକାଉଣ୍ଟର । ଏନକାଉଣ୍ଟରରେ ଧନେସ୍ୱରର ଡାହାଣ ଗୋଡରେ ଲାଗିଛି ଗୁଳି । ସକାଳ ପ୍ରାୟ ୫ଟା ୪୫ ମିନିଟରେ ତିନି ସହଯୋଗୀଙ୍କ ସହ ରେଢାଖୋଲ ଥାନା ସୀମା ଅନ୍ତର୍ଗତ ଡୁମ ଛାଲି ଜଙ୍ଗଲ ଅଞ୍ଚଳରେ ଥିବା ଜଣାପଡିଥିଲା । ତେବେ ଅଭିଯୁକ୍ତମାନେ ପଳାୟନ କରିବାକୁ ଉଦ୍ୟମ ବେଳେ ଏନକାଉମ୍‌ଟର କରିଥିଲା ପୋଲିସ । ଅଭିଯୁକ୍ତ ଧନେଶ୍ୱର ମଧ୍ୟ ପୁଲିସ ଉପରକୁ ତିନି ରାଉଣ୍ଡ ଗୁଳି ଚଳାଇଥିଲା । ତେବେ ପୋଲିସର ଜବାବୀ ଗୁଳି ସିଧା ଧନଶ୍ୱରର ଡାହାଣ ଗୋଡରେ ବାଜିଥିଲା । ଧନେଶ୍ୱରକୁ ଆହତ ଅବସ୍ଥାରେ ଧରିବା ପରେ ତାକୁ ଚିକିତ୍ସା ପାଇଁ ସମ୍ବଲପୁର ଜିଲ୍ଲା ଚିକିତ୍ସାଳୟକୁ ପଠାଇଛି ପୋଲିସ । ଘଟଣାସ୍ଥଳରୁ ପୋଲିସ ଗୋଟିଏ ପିସ୍ତଲ , ଗୋଟିଏ ବୋଲେରୋ ତାର କଟର ଏବଂ ବିଦ୍ୟୁତ ଟ୍ରାନ୍ସମିସନ ତାର କରିବା ପାଇଁ ବ୍ୟବହୃତ ଅନ୍ୟାନ୍ୟ ସାମଗ୍ରୀ ଜବତ କରିଛି ପୋଲିସ । ଧନେଶ୍ୱର ସହ ତାର ତିନି ସହଯୋଗୀଙ୍କୁ ମଧ୍ୟ ପୋଲିସ ଗିରଫ କରିଛି । ଓଡିଶା ବିଭିନ୍ନ ଜିଲ୍ଲାରେ ୪୧ରୁ ଅଧିକ ଆପରାଧିକ ମାମଲାରେ ଜଡିତ ଅଛି ଧନେଶ୍ୱର ।