କେନ୍ଦ୍ର ସ୍ୱାସ୍ଥ୍ୟ ସଚିବଙ୍କ ଜରୁରୀ ବୈଠକ

ନୂଆଦିଲ୍ଲୀ: ଦେଶରେ କଫ୍ ସିରଫ୍ ଯୋଗୁଁ ଶିଶୁ ମୃତ୍ୟୁ ଘଟଣା ।  ଆଜି ଅପରାହ୍ନ ୪ଟାରେ କେନ୍ଦ୍ର ସ୍ୱାସ୍ଥ୍ୟ ,ଚିବଙ୍କ ଜରୁରୀ ବୈଠକ । ଏହି ବୈଠକରେ ସବୁ ରାଜ୍ୟର ସ୍ୱାସ୍ଥ୍ୟ ସଚିବ ଓ ଡ୍ରଗ୍ସ କଣ୍ଟ୍ରୋଲର୍ ଉପସ୍ଥିତ ରହିବାକୁ ନିର୍ଦ୍ଦେଶ ଦିଆଯାଇଛି । ଏହି ବୈଠକରେ ଅଧିକାରୀମାନେ ଦୁଇଟି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଧ୍ୟାନ ଦେବେ । ଗୋଟିଏ ହେଉଛି କାଶ ସିରପ୍‌ର ଯୁକ୍ତିଯୁକ୍ତ ବ୍ୟବହାର ଏବଂ ଅନ୍ୟଟି ଔଷଧର ସାମଗ୍ରିକ ଗୁଣବତ୍ତା । ମଧ୍ୟପ୍ରଦେଶର ଛିନ୍ଦୱାଡ଼ାରେ, କୋଲଡ୍ରିଫ୍ କଫ୍ ସିରପ୍ ଖାଇବା ପରେ ୧୪ ଜଣ ପିଲାଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏହି ସଙ୍କଟ ମଧ୍ୟପ୍ରଦେଶ ବାହାରକୁ ମଧ୍ୟ ବ୍ୟାପି ଯାଇଛି। ଭବିଷ୍ୟତରେ ଏପରି ଦୁଃଖଦ ଘଟଣା ରୋକିବା ପାଇଁ ସିଡିଏସସିଓ ଦେଶବ୍ୟାପୀ ଔଷଧ ନିର୍ମାଣ ୟୁନିଟ୍‌ଗୁଡ଼ିକର ବିପଦ-ଭିତ୍ତିକ ଯାଞ୍ଚ ଆରମ୍ଭ କରିଛି। କର୍ତ୍ତୃପକ୍ଷ ସ୍ରେସାନ୍ ଫାର୍ମାସ୍ୟୁଟିକାଲ୍ସ ଏବଂ ଗୁଣବତ୍ତା ସହିତ ସାଲିସ କରୁଥିବା ଅନ୍ୟ ଯେକୌଣସି ଔଷଧ ନିର୍ମାତାଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ସଙ୍କେତ ଦେଇଛନ୍ତି।