ଉତ୍ତର ପ୍ରଦେଶଛ: ଉତ୍ତର ପ୍ରଦେଶର କୁଖ୍ୟାତ କଫ୍ ସିରପ୍ ଦୁର୍ନୀତିରେ ବହିଷ୍କୃତ କନେଷ୍ଟବଳ ଆଲୋକ ସିଂହ ଗିରଫ ହୋବା ପରେ ତଦନ୍ତ ପ୍ରକ୍ରିୟା ଆହୁରି ତୀବ୍ର ହୋଇଛି। ଇଡି ମଧ୍ୟ ଏହି ମାମଲାରେ ହସ୍ତକ୍ଷେପ କରିଛି। ପୂର୍ବାଞ୍ଚଳର ଦୁଇ ଜଣ ପ୍ରଭାବଶାଳୀ ବ୍ୟକ୍ତିଙ୍କ ସହିତ ଅଭିଯୁକ୍ତ ଆଲୋକ ସିଂହଙ୍କ ସମ୍ପର୍କ ସାମ୍ନାକୁ ଆସିବା ପରେ ଇଡି ଦଳ ଏହି ମାମଲା ଉପରେ କଡା ନଜର ରଖିଛି। ୟୁପି ସ୍ପେଶାଲ ଟାସ୍କ ଫୋର୍ସ କଫ୍ ସିରପ୍ ଚୋରା ଚାଲାଣ ମାମଲାର ଅଭିଯୁକ୍ତ ଆଲେକ ସିଂହଙ୍କୁ ଲକ୍ଷ୍ନୌରୁ ଗିରଫ କରିଛି। ମୁଖ୍ୟ ଅଭିଯୁକ୍ତ ଶୁଭମ ଜୟସୱାଲ ଫେରାର୍ ହୋଇ ଦୁବାଇ ପଳାଇଯାଇଥିବା ସୂଚନା ମିଳିଛି। ଏହି ସମୟରେ, ପୂର୍ବାଞ୍ଚଳର ଦୁଇ ଜଣ ପ୍ରଭାବଶାଳୀ ବ୍ୟକ୍ତିଙ୍କ ସହ ଅଭିଯୁକ୍ତଙ୍କ ସମ୍ପର୍କକୁ ନେଇ କଳ୍ପନାଜଳ୍ପନା ଆରମ୍ଭ ହୋଇଛି। ଏହି ପ୍ରଭାବଶାଳୀ ବ୍ୟକ୍ତିମାନଙ୍କ ସହିତ ଅଭିଯୁକ୍ତ କଫ୍ ସିରପ୍ ସିଣ୍ଡିକେଟ୍ର ଅନେକ ଫଟୋ ଏବଂ ଭିଡିଓ ଫୁଟେଜ୍ ସୋସିଆଲ ମିଡିଆରେ ଘୂରି ବୁଲୁଛି।
ସୂତ୍ର ଅନୁଯାୟୀ, ଏହି ପ୍ରମାଣକୁ ଆଧାର କରି, ଇଡି ଦଳ ଏବେ ଅଭିଯୁକ୍ତମାନଙ୍କ ସହିତ ସେମାନଙ୍କର ସମ୍ପର୍କ ବିଷୟରେ ସୂଚନା ସଂଗ୍ରହ କରିବାକୁ କାମ କରୁଛି। ଇଡି ଉଭୟ ପ୍ରଭାବଶାଳୀ ବ୍ୟକ୍ତିଙ୍କ ସମ୍ପତ୍ତିକୁ ମଧ୍ୟ ଟାର୍ଗେଟ କରୁଛି। ସୂଚନାଯୋଗ୍ୟ, ଉତ୍ତର ପ୍ରଦେଶରେ କଫ ସିରପ ମାମଲା ବର୍ତ୍ତମାନ ଶିରୋନାମାରେ ରହିଛି। ଅଭିଯୁକ୍ତ ଏସଟିଏଫ କନେଷ୍ଟବଳ ଆଲୋକ ସିଂହଙ୍କୁ ଏକ ଅପରାଧୀ ଘୋଷଣା କରାଯାଇଥିଲା ଏବଂ ସେବେଠାରୁ ସେ ଫେରାର୍ ଥିଲେ। ରିପୋର୍ଟ ହୋଇଛି ଯେ ସେ ନିଜକୁ ଆତ୍ମସମର୍ପଣ କରିବାକୁ ଯୋଜନା କରୁଥିଲେ, କିନ୍ତୁ ସେ ଏହା କରିବା ପୂର୍ବରୁ ଏସଟିଏଫ ତାଙ୍କୁ ଲକ୍ଷ୍ନୌରେ ଗିରଫ କରିଥିଲା। ଆଲୋକ ବହୁତ କମ ସମୟ ମଧ୍ୟରେ କୋଟି କୋଟି ଟଙ୍କାର ସମ୍ପତ୍ତି ସଂଗ୍ରହ କରିଥିଲେ। ୟୁପି ଏସଟିଏଫ ଏବେ ଏହି ସମ୍ପୂର୍ଣ୍ଣ ମାମଲାରେ ତାଙ୍କର ସମ୍ପୃକ୍ତି ବିଷୟରେ ତଦନ୍ତ କରୁଛି। ସୂତ୍ର ଅନୁସାରେ, ତାଙ୍କର ସମ୍ପତ୍ତି ଜବତ କରିବାକୁ ପ୍ରସ୍ତୁତି ଚାଲିଛି। ଆଲୋକ ବାରାଣସୀର ଅମିତ ଟାଟାଙ୍କ ନିକଟତର ମଧ୍ୟ ଥିଲେ ଏବଂ ତାଙ୍କୁ ପୂର୍ବରୁ ଗିରଫ କରାଯାଇଛି।
