ଛାତ୍ରଙ୍କ ଉପରେ ଚଢ଼ିଗଲା ଡମ୍ପର: ଜଣେ ମୃତ

ନୂଆଦିଲ୍ଲୀ: ଆଜି ରାଜସ୍ଥାନର ଦ୍ୱିତୀୟ ବୃହତ୍ତମ ସହର ଯୋଧପୁରରେ ସ୍ୱାଧୀନତା ଦିବସ ପାଳନ ପାଇଁ ଏକ ରାଜ୍ୟସ୍ତରୀୟ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି ସମୟରେ ପରେଡରେ ଅଂଶଗ୍ରହଣ କରିବାକୁ ଷ୍ଟାଡିୟମ ଯାଉଥିବା ବେଳେ ଡମ୍ପରଟି ଛାତ୍ରମାନଙ୍କୁ ଧକ୍କା ଦେଇଥିଲା। ଫଳରେ ଚାରି ଜଣ ପିଲା ଦୁର୍ଘଟଣାର ସମ୍ମୁଖୀନ ହୋଇଥିଲେ । ଜଣେ ପିଲାର ଘଟଣାସ୍ଥଳେ ମୃତ୍ୟୁ ହୋଇଥିଲା। ଦୁଇ ଜଣ ପିଲାଙ୍କୁ ହସ୍ପିଟାଲରେ ଗୁରୁତର ଅବସ୍ଥାରେ ଚିକିତ୍ସା କରାଯାଉଛି।ଏହି ଘଟଣା ପରେ, ପରିବାର ସଦସ୍ୟ ଏବଂ ଅଞ୍ଚଳର ବାସିନ୍ଦାମାନେ ମୁଖ୍ୟମନ୍ତ୍ରୀ ଭଜନଲାଲ ଶର୍ମା ଏବଂ ପୋଲିସ ଉପରେ ଅବହେଳାର ଅଭିଯୋଗ ଆଣି ବିମାନବନ୍ଦରକୁ ଯାଇଥିବା ରାସ୍ତା ଅବରୋଧ କରିଥିଲେ। ଏହି ସମୟରେ ବହୁ ସଂଖ୍ୟକ ପୁରୁଷ ଏବଂ ମହିଳା ରାସ୍ତାକୁ ଓହ୍ଲାଇ ରାସ୍ତା ଉପରେ ବସି ପ୍ରତିବାଦ କରିବା ଆରମ୍ଭ କରିଥିଲେ। ପରିବାର ଲୋକଙ୍କ ମନରେ ଶୋକ ଛାୟା ଖେଳିଯାଇଛି ।