ଡମ୍ପର-କାର ଧକ୍କା: ୩ ମୃତ

ରାଜସ୍ଥାନ: ରାଜସ୍ଥାନର ଭିଲୱାରା ଜିଲ୍ଲାରେ ଗୁରୁବାର ଏକ ଦ୍ରୁତଗାମୀ ଡମ୍ପର ଏକ କାରକୁ ଧକ୍କା ଦେବା ଫଳରେ ଜଣେ ଶିଶୁ ସମେତ ତିନି ଜଣଙ୍କର ମୃତ୍ୟୁ ହୋଇଥିବା ଏବଂ ଦୁଇଜଣ ଆହତ ହୋଇଥିବା ପୋଲିସ କହିଛି।ଘଟଣାଟି ମଧ୍ୟାହ୍ନ ସମୟରେ ବେଗୋଡ ଅଞ୍ଚଳ ଅନ୍ତର୍ଗତ ଜାତୀୟ ରାଜପଥ-୭୫୮ (ଭିଲୱାରା-କୋଟା) ରେ ଘଟିଛି। ସେମାନେ କହିଛନ୍ତି ଯେ ପୀଡିତମାନେ ମଣ୍ଡଳଗଡ଼ରୁ ଭିଲୱାରା ଅଭିମୁଖେ ଏକ ଇକୋ କାରରେ ଯାତ୍ରା କରୁଥିଲେ, ଯେତେବେଳେ ବିପରୀତ ଦିଗରୁ ଆସୁଥିବା ଏକ ଡମ୍ପର ଏକ ବସ୍ କୁ ଓଭରଟେକ୍ କରିବା ସମୟରେ ସେମାନଙ୍କ ଗାଡ଼ିକୁ ଧକ୍କା ଦେଇଥିଲା। ପୋଲିସ କହିଛି ଯେ କରୋହିର ବାସିନ୍ଦା ନାରାୟଣ (୪୦) ଏବଂ ତାଙ୍କ ଆଠ ମାସର ପୁଅ ନକୁଳଙ୍କର ଘଟଣାସ୍ଥଳେ ମୃତ୍ୟୁ ହୋଇଥିଲା।ବେଗୋଡ଼ ଏସ୍‌ଏଚ୍‌ଓ ଜୟ ସୁଲତାନ କାଭିୟା କହିଛନ୍ତି ଯେ ଆହତ ତିନି ଜଣଙ୍କୁ ମହାତ୍ମା ଗାନ୍ଧୀ ହସ୍ପିଟାଲକୁ ପଠାଯାଇଥିଲା, ଯେଉଁଠାରେ କାର୍‌ ଚାଳକ ଭାନୁ ପ୍ରତାପ ଚିକିତ୍ସା ସମୟରେ ମୃତ୍ୟୁବରଣ କରିଥିଲେ। ଏନେଇ ଦୁଃଖରେ ଭାଙ୍ଗି ଆପଡିଛନ୍ତି ପରିବାର ଲୋକେ ।