ମୟୂରଭଞ୍ଜ: ପୋଲିସ ହାତରେ ସୁନା ଲୁଟେରା ଗ୍ୟାଙ୍ଗ୍ । ମାଷ୍ଟରମାଇଣ୍ଡ ଡ୍ରାଇଭର ସମେତ ୪ ଅଭିଯୁକ୍ତ ଗିରଫ । ଗତ ୨୧ ତାରିଖ ରାତିରେ ବାରିପଦା ସହରର ଜଣେ ସୁନା ବ୍ୟବସାୟୀଙ୍କ ଲକ୍ଷାଧିକ ଟଙ୍କାର ସୁନା ଅଳଙ୍କାର ଏକ କାରରେ ବାରିପଦାରୁ ବାଲେଶ୍ୱର ଦୋକାନକୁ ଯାଉଥିଲା । ଏହି ସମୟରେ ପାଲବଣି ନିକଟରେ ଏକ ବାଇକରେ ୩ ଜଣ ଦୁବୃର୍ତ୍ତ ଆସି ସବୁ ସୁନା ଅଳଙ୍କାର ଲୁଟିନେଇଥିଲେ । କାର ଡ୍ରାଇଭରର ମେସେଜକୁ ଆଧାର କରି ଘଟଣାର ଫର୍ଦାଫାସ କରିଛି ସଦର ଥାନା ପୋଲିସ । ଗିରଫ ଅଭିଯୁକ୍ତମାନେ ବାରିପଦା ସହରର ବଡବଜାର ଅଞ୍ଚଳ ବୋଲି ଜଣାପଡିଥିବା ବେଳେ ଏମାନଙ୍କ ଘରୁ ସୁନା ଅଳଙ୍କାର ମଧ୍ୟ ଜବତ କରିଛି ପୋଲିସ ।
