ଆଜିଠୁ ଡଲଫିନ୍ ଗଣନା ଆରମ୍ଭ

ପଟ୍ଟାମୁଣ୍ଡାଇ: ଆରମ୍ଭ ହେଲା ଡଲଫିନ୍ ଗଣନା। ଆଜିଠୁ ୩ ଦିନ ଧରି ରାଜନଗର ବନଖଣ୍ଡ ଧାମରାରୁ ଦେବୀ ମୁହାଣ ଯାଏଁ ଗଣନା କାର୍ଯ୍ୟ ଚାଲିବ। ରାଜନଗର ବନଖଣ୍ଡର ୫ଟି ରେଞ୍ଜରେ ଏହି ଗଣନା କାର୍ଯ୍ୟ କରାଯାଉଥିବାବେଳେ ମୋଟ୍ ୯ଟି ଟିମରେ ୪ ଜଣ ଲେଖାଏଁ କର୍ମଚାରୀ ନିୟୋଜିତ ରହିଛନ୍ତି। ସକାଳ ୬ଟାରୁ ଦିନ ୧୨ଟା ଯାଏଁ ଚାଲିବ ଡଲଫିନ୍ ଗଣନା । ଗଣନା ସମୟରେ ବାଇନାକୁଲାର, ଜିପିଏସ, କ୍ୟାମେରା ଓ ହ୍ୟାଣ୍ଡିକ୍ୟାମ ପ୍ରଭୃତି ସାମଗ୍ରୀ ବ୍ୟବହାର କରାଯିବ ବୋଲି ରାଜନଗର ବନଖଣ୍ଡ ଅଧିକାରୀ ସୂଚନା ଦେଇଛନ୍ତି ।