ଜିଲ୍ଲାସ୍ତରୀୟ ପାଣି ପଞ୍ଚାୟତ ପକ୍ଷ ପାଳିତ

ରାଜ୍ୟର ୧୩୬ଟି ବିଭାଗରେ ପାଣି ପଞ୍ଚାୟତ ପକ୍ଷ ୨୦୨୬ ପାଳନ ପରେ ୧୩ ଜାନୁଆରୀ, ୨୦୨୬ରେ ରାଜ୍ୟର ୩୦ଟି ଜିଲ୍ଲାରେ ଦ୍ୱିତୀୟ ପର୍ଯ୍ୟାୟରେ ପକ୍ଷ ପାଳନ କରାଯାଇଛି। ପାଣି ପଞ୍ଚାୟତ ପକ୍ଷ ଆମକୁ ଜଳ କ୍ଷେତ୍ରରେ ପାଣି ପଞ୍ଚାୟତ ଏବଂ କୃଷକମାନଙ୍କ ଦ୍ୱାରା ଦିଆଯାଉଥିବା ବିଶାଳ ଅବଦାନକୁ ସ୍ୱୀକାର କରିବା ଏବଂ ଜଳ ଶାସନର ବିଭିନ୍ନ ଦିଗ ବିଷୟରେ ଅଧିକ ସଚେତନ ହେବା ପାଇଁ ସ୍ତରର ହୀତାଧିକାରୀ ମାନଙ୍କ ମଧ୍ୟରେ ସଚେତନତା ସୃଷ୍ଟି କରିବାର ସୁଯୋଗ ପ୍ରଦାନ କରିଛି । ପାଣି ପଞ୍ଚାୟତ ରଥ, ସୂଚନା ଶିକ୍ଷା ଯୋଗାଯୋଗ/ସାମାଜିକ ଆଚରଣଗତ ପରିବର୍ତ୍ତନ ଯୋଗାଯୋଗ (IEC/SBCC) ସାମଗ୍ରୀ ଏବଂ ଅଡିଓ ଭିଜୁଆଲ୍ ବହନ କରି, ଜିଲ୍ଲାର ପ୍ରକଳ୍ପ, ବିଭାଗ ଏବଂ ପ୍ରମୁଖ ସ୍ଥାନଗୁଡ଼ିକୁ କଭର କରିବା ପରେ, ୧୩ ଜାନୁଆରୀ, ୨୦୨୬ରେ ଜିଲ୍ଲା ମୁଖ୍ୟାଳୟକୁ ଫେରିଛି। ପାଣି ପଞ୍ଚାୟତ ପକ୍ଷକୁ ଅଧିକ ଆକର୍ଷଣୀୟ ଓ ଅଂଶଗ୍ରହଣମୂଳକ କରିବା ପାଇଁ ବ୍ୟାନର, ପ୍ରଚାରପତ୍ର, ଲୋଗୋ, ସ୍ଲୋଗାନ, ଟ୍ୟାଗଲାଇନ, ଆନ୍ଥମ୍, ଶପଥ ଇତ୍ୟାଦି କାର୍ଯ୍ୟକ୍ରମର ଆୟୋଜନ କରାଯାଇଛି। ଜିଲ୍ଲାଗୁଡ଼ିକରେ ପାଣି ପଞ୍ଚାୟତ ସଦସ୍ୟ, ଚାଷୀ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ହୀତାଧିକାରୀଙ୍କ ଉପସ୍ଥିତିରେ ପାଣି ପଞ୍ଚାୟତ ସମାବେଶ ଅନୁଷ୍ଠିତ ହୋଇଥିଲା । କୃଷି ଏବଂ କୃଷକ ସଶକ୍ତିକରଣ ବିଭାଗ ଦ୍ୱାରା ଆୟୋଜିତ ଜିଲ୍ଲାସ୍ତରୀୟ କୃଷି ଯାନ୍ତ୍ରିକୀକରଣ ମେଳା ସହିତ ସମନ୍ୱୟରେ ପ୍ରଦର୍ଶନୀ ମଧ୍ୟ ଆୟୋଜିତ ହେଉଛି। ବିତର୍କ, ପ୍ରବନ୍ଧ, ଚିତ୍ରକଳା, କୁଇଜ୍, ମଡେଲ୍ ପ୍ରତିଯୋଗିତା ଓ ପ୍ରଦର୍ଶନୀ ଭଳି ବିଭିନ୍ନ କାର୍ଯ୍ୟକଳାପର ବିଜେତାମାନଙ୍କୁ ମଧ୍ୟ ପୁରସ୍କୃତ କରାଯାଇଛି । ଏହି ଅବସରରେ ଯାଜପୁର ମାନ୍ୟବର ସାଂସଦ, ଅନୁଗୁଳ, ଅଟାବିରା, ଧର୍ମଗଡ, ରଣପୁର, ପିପିଲିର ବିଧାୟକ, ପାଣିପଞ୍ଚାୟତ ପକ୍ଷ ଜିଲ୍ଲା ସ୍ତରୀୟ କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ। ଏହା ସହିତ, ନୟାଗଡ଼, ନବରଙ୍ଗପୁରର କଲେକ୍ଟର ଏବଂ ମାଜିଷ୍ଟ୍ରେଟ୍, ମଧ୍ୟ ପାଣିପଞ୍ଚାୟତ ପକ୍ଷରେ ଯୋଗ ଦେଇଥିଲେ ।