ଦିଲ୍ଲୀରେ ଘନ କୁହୁଡି: ବିମାନ ଚଳାଚଳ ବାଧାପ୍ରାପ୍ତ

ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀରେ ଶୀତର ଲହରୀ ଜାରି ରହିଛି । ଆଜି ସକାଳେ ଦିଲ୍ଲୀର ବିଭିନ୍ନ ସ୍ଥାନରେ ଘନ କୁହୁଡି ଯୋଗୁଁ ବିମାନ ଚଳାଚଳ ବାଧାପ୍ରାପ୍ତ ହୋଇଛି । କୁହୁଡି ଯୋଗୁଁ ଦୃଶ୍ୟମାନତା କମ୍ ଥିବାରୁ ଇନ୍ଦିରା ଗାନ୍ଧୀ ଆନ୍ତର୍ଜାତୀୟ (ଆଇଜିଆଇ) ବିମାନବନ୍ଦରରେ ଅନେକ ବିମାନ ଉଡାଣ ବିଳମ୍ବ ହୋଇଛି । ଭାରତୀୟ ପାଣିପାଗ ବିଭାଗ ସୂଚନା ଦେଇଛନ୍ତି ଯେ ଆଜି ସକାଳେ ସର୍ବନିମ୍ନ ତାପମାତ୍ରା ୭ ଡିଗ୍ରୀ ସେଲସିୟସ୍ ଥିଲା । ଯାହା ଶୁକ୍ରବାର ତୁଳନାରେ ସାମାନ୍ୟ ଉନ୍ନତି ହୋଇଛି । ତାପମାତ୍ରାରେ ସାମାନ୍ୟ ବୃଦ୍ଧି ସତ୍ତ୍ୱେ, ଆଜି ଭୋର ସମୟରେ ଦୃଶ୍ୟମାନତା କମ୍ ରହିଥିଲା । ଫଳରେ ସାରା ସହରରେ ସଡକ, ରେଳ ଏବଂ ବିମାନ ଚଳାଚଳକୁ ପ୍ରଭାବିତ କରିଥିଲା । ଅନ୍ୟପଟେ, ଦିଲ୍ଲୀର ବାୟୁ ଗୁଣବତ୍ତା ଏକ ପ୍ରମୁଖ ଚିନ୍ତାର ବିଷୟ ହୋଇ ରହିଛି । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି)ର ତଥ୍ୟ ଅନୁଯାୟୀ, ଶନିବାର ସକାଳ ପ୍ରାୟ ୭ଟାରେ ଜାତୀୟ ରାଜଧାନୀରେ ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ୩୬୮ ଥିଲା, ଯାହା ଏହାକୁ “ଅତି ଖରାପ” ବର୍ଗରେ ରଖାଯାଇଛି ।