ଉଦ୍ଧାର ହେଲା ସିପାହୀଙ୍କ ମୃତଦେହ

ଭୁବନେଶ୍ୱର: ସପ୍ତମ ବାଟାଲିୟନରୁ ସିପାହୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତକ ଜଣକ ସପ୍ତମ ବାଟାଲିୟନର ସିପାହୀ ଦୁର୍ୟ୍ୟୋଧନ ମହାନ୍ତି । ମିଳିଥିବା ସୂଚନା ଅନୁଯାୟୀ, ଗଛରେ ରଶି ଲଗାଇ ଦୁର୍ୟ୍ୟୋଧନ ଆତ୍ମହତ୍ୟା କରିଛନ୍ତି । ତେବେ ଦୁର୍ୟ୍ୟୋଧନ ୨୦୦୨ ବ୍ୟାଚର ସିପାହୀ ଥିଲେ । କାହିଁକି ଓ କେଉଁ ପରିସ୍ଥିତିରେ ସେ ଏପରି ଭୁଲ ନିଷ୍ପତ୍ତି ନେଲେ ସେନେଇ ପୋଲିସ ତଦନ୍ତ ଜାରି ରଖିଛି । ପାରିବାରିକ କଳହ ଓ କିଛି ବକେୟା ଟଙ୍କା ପାଇଁ ଦୁର୍ୟ୍ୟୋଧନ ଆତ୍ମହତ୍ୟା କରିଥିବା ପୋଲିସ ସନ୍ଦେହ କରୁଛି । ଘଟଣାସ୍ଥଳରେ ମୈତ୍ରୀବିହାର ଥାନା ପୋଲିସ ପହଞ୍ଚି ପଚରାଉଚରା ଜାରି କରି ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ଅସଲ କାରଣ ଜଣାପଡ଼ିବ ବୋଲି କହିଛନ୍ତି ।