ନୂଆଦିଲ୍ଲୀ : କମ୍ପାନୀରେ ଅଧିକ ଚାପ ଯୋଗୁଁ କର୍ମଚାରୀ ଅଧିକ ଚିନ୍ତାଗ୍ରସ୍ତ । ଆଜିକାଲି କାର୍ଯ୍ୟ ଚାପ କେତେ ଭୟଙ୍କର ହୋଇପାରେ ତାହାର ଏକ ଉଦାହରଣ ଦେଖିବାକୁ ମିଳିଛି କେରଳରେ। କାର୍ଯ୍ୟ ଚାପ ଯୋଗୁ ମାତ୍ର ୨୬ ବର୍ଷରେ ହୃଦଘାତରେ ପ୍ରାଣ ହରାଇଛନ୍ତି ଜଣେ ଚାର୍ଟର୍ଡ ଆକାଉଣ୍ଟାଣ୍ଟ। ସେ ହେଉଛନ୍ତି ଆନ୍ନା ସେବାଷ୍ଟିଆନ ପେରାୟିଲ। ପୁଣେସ୍ଥିତ ଅର୍ନଷ୍ଟ ଆଣ୍ଡ ୟୋଙ୍ଗ(ଇଓ୍ବାଇ) ନାମକ ଏକ କମ୍ପାନୀରେ ଚାକିରି କରୁଥିଲେ। ଗତ ମାର୍ଚ୍ଚ ମାସରେ ସେ କମ୍ପାନୀରେ ଯୋଗଦେଇଥିଲେ। କାର୍ଯ୍ୟ କରିବାର ମାତ୍ର ୫ ମାସ ପରେ ତାଙ୍କର ମୃତ୍ୟୁ ଘଟିଛି। ତେବେ ଚାର୍ଟାର୍ଡ ଆକାଉଣ୍ଟାଣ୍ଟଙ୍କ ମୃତ୍ୟୁକୁ ନେଇ ଅସନ୍ତୋଷ ପ୍ରକାଶ ପାଇଥିବା ବେଳେ କାର୍ଯ୍ୟ ଚାପ ଯୋଗୁଁ କେନ୍ଦ୍ର ଶ୍ରମ ମନ୍ତ୍ରଣାଳୟ ଏହା ଅଭିଯୋଗ ଆଣିଛି ଏବଂ ଘଟଣାର ତଦନ୍ତ କରିବ ବୋଲି କହିଛି।
ଶ୍ରମ ମନ୍ତ୍ରୀ ଶୋଭା କରନ୍ଦଲାଜେ ଟ୍ୱିଟ କରି ଏକ ପୋଷ୍ଟରେ କହିଛନ୍ତି, “ଆନ୍ନା ସେବାଷ୍ଟିଆନ ପେରାୟିଲଙ୍କ ବିୟୋଗରେ ମୁଁ ଗଭୀର ଦୁଃଖିତ। ଏହା ଉପରେ ଉପରେ ପୁଙ୍ଖାନୁପୁଙ୍ଖ ତଦନ୍ତ ଚାଲିଛି। ନ୍ୟାୟ ପ୍ରଦାନ କରିବାକୁ ଆମେ ପ୍ରତିଶ୍ରୁତିବଦ୍ଧ। ଶ୍ରମ ମନ୍ତ୍ରଣାଳୟ ଆନୁଷ୍ଠାନିକ ଭାବେ ଏହି ଅଭିଯୋଗ ଗ୍ରହଣ କରିଛି। ସେ ବିଜେପି ନେତା ରାଜୀବ ଚନ୍ଦ୍ରଶେଖରଙ୍କ ଏକ ପୋଷ୍ଟରେ ଉତ୍ତର ଦେଇ ଆନ୍ନାଙ୍କ ମୃତ୍ୟୁକୁ ଅତ୍ୟନ୍ତ ଦୁଃଖଦାୟକ ବୋଲି କହି ଏହା ଅତି ଚିନ୍ତାଜନକ ବୋଲି କହିଥିଲେ ଏବଂ ତାଙ୍କ ପରିବାର ଆଣିଥିବା ଅଭିଯୋଗ ବିଷୟରେ ତଦନ୍ତ କରିବାକୁ କହିଥିଲେ।
<blockquote class=”twitter-tweet”><p lang=”en” dir=”ltr”>Deeply saddened by the tragic loss of Anna Sebastian Perayil. A thorough investigation into the allegations of an unsafe and exploitative work environment is underway. We are committed to ensuring justice & <a href=”https://twitter.com/LabourMinistry?ref_src=twsrc%5Etfw”>@LabourMinistry</a> has officially taken up the complaint.<a href=”https://twitter.com/mansukhmandviya?ref_src=twsrc%5Etfw”>@mansukhmandviya</a> <a href=”https://t.co/1apsOm594d”>https://t.co/1apsOm594d</a></p>— Shobha Karandlaje (@ShobhaBJP) <a href=”https://twitter.com/ShobhaBJP/status/1836621641301766357?ref_src=twsrc%5Etfw”>September 19, 2024</a></blockquote> <script async src=”https://platform.twitter.com/widgets.js” charset=”utf-8″></script>
ମାଆର ହୃଦୟବିଦାରକ ଚିଠି…
ଅର୍ନଷ୍ଟ ଆଣ୍ଡ ୟୋଙ୍ଗ ଇଣ୍ଡିଆର ଚେୟାରମ୍ୟାନ୍ ରାଜୀବ ମେମାନିଙ୍କୁ ଲେଖିଥିବା ଚିଠିରେ ପେରାଇଲଙ୍କ ମାଆ ଅଭିଯୋଗ କରିଛନ୍ତି ଯେ କମ୍ପାନୀରେ ଯୋଗଦେବାର ଚାରିମାସ ପରେ ସେ କାର୍ଯ୍ୟଭାର ହେତୁ ବହୁତ ଚିନ୍ତାରେ ରହୁଥିଲେ। ସେ ନିଦ୍ରାହୀନ ଏବଂ ଚାପଗ୍ରସ୍ତ ରହୁଥିଲେ। କିନ୍ତୁ ଅତ୍ୟଧିକ ପରିଶ୍ରମ ହେତୁ ସେ ନିଜକୁ ପ୍ରମାଣ କରିବାକୁ କଠିନ ପରିଶ୍ରମ ମଧ୍ୟ କରୁଥିଲେ। ଅବଶ୍ୟ, ଏହି କାରଣରୁ ତାଙ୍କ ସ୍ୱାସ୍ଥ୍ୟ କ୍ରମାଗତ ଭାବରେ ଖରାପ ହେବାକୁ ଲାଗିଲା ଏବଂ ଶେଷରେ ତାଙ୍କର ମୃତ୍ୟୁ ଘଟିଲା। “ମୁଁ ଏହି ଚିଠିକୁ ଏକ ହତଭାଗୀ ମା ଭାବରେ ଲେଖୁଛି, ଯିଏ ନିଜର ସନ୍ତାନଙ୍କୁ ହରାଇଛି, ମୋର ହୃଦୟ ଭାଙ୍ଗିପଡିଛି ଏବଂ ମୁଁ ଏହି ଚିଠି ଲେଖିବା ବେଳେ ମୋର ହୃଦୟ ଭାଙ୍ଗି ପଡୁଛି, କିନ୍ତୁ ଭାବୁଛି ଏ ବିଷୟରେ ସମସ୍ତଙ୍କୁ ଜଣାଇବା ଉଚିତ, ଯେପରି ଅନ୍ୟ କୌଣସି ପରିବାରକୁ ଏମିତି ଯନ୍ତ୍ରଣା ଭୋଗିବାକୁ ପଡ଼ିବ ନାହିଁ ।
ସେ ଲେଖିଛନ୍ତି ଯେ ଆନ୍ନା ଜଣେ ଅଭିଜ୍ଞ ଛାତ୍ରୀ ଥିଲେ , ସ୍କୁଲ ଏବଂ କଲେଜରେ ଶୀର୍ଷ ପଦବୀ ହାସଲ କରିଥିଲେ ଏବଂ ଚାର୍ଟାର୍ଡ ଆକାଉଣ୍ଟାଣ୍ଟ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିଲେ । “ଇଓ୍ବାଇ ତାଙ୍କର ପ୍ରଥମ ଚାକିରୀ ଥିଲା, ଏବଂ ସେ ଏପରି ଏକ ପ୍ରତିଷ୍ଠିତ କମ୍ପାନୀରରେ କାମ କରି ବେଶ ଖୁସି ଥିଲେ କିନ୍ତୁ ଚାରି ମାସ ପରେ, ଜୁଲାଇ ୨୦୨୪ ରେ, ମାତ୍ର ୨୬ ବର୍ଷରେ ଯେତେବେଳେ ଆନ୍ନାଙ୍କର ଦେହାନ୍ତ ହୋଇଥିଲେ, ସେତେବେଳେ ମୋର ଦୁନିଆ ଧ୍ୱଂସ ହୋଇଗଲା ବୋଲି ସେ ଲେଖିଛନ୍ତି । ” “ଜୁଲାଇ ୬, ଶନିବାର ଦିନ ମୁଁ ଏବଂ ମୋ ସ୍ୱାମୀ ପୁଣେରେ ଆନ୍ନାଙ୍କ ସିଏ ସମ୍ମିଳନୀରେ ଯୋଗଦେବା ପାଇଁ ପହଞ୍ଚିଥିଲୁ। ଗତ ସପ୍ତାହରେ ବିଳମ୍ବିତ ରାତିରେ ପ୍ରାୟ ୧ ଟା ତାଙ୍କ ପିଜିରେ ପହଞ୍ଚିବା ପରେ ସେ ତାଙ୍କ ଛାତିରେ ଯନ୍ତ୍ରଣା ଅନୁଭବ କରିଥିଲେ ଫଳରେ ଆମେ ତାଙ୍କୁ ଡାକ୍ତରଖାନା ନେଇଥିଲୁ। ପୁଣେରେ ତାଙ୍କ ଇସିଜି କରିଥିଲୁ ଯାହା ସ୍ୱାଭାବିକ ଥିଲା, ଏବଂ ହୃଦ୍ରୋଗ ବିଶେଷଜ୍ଞ ଆମକୁ କହିଥିଲେ ଯେ ସେ ପର୍ଯ୍ୟାପ୍ତ ପରିମାଣରେ ଶୋଇପାରୁ ନାହାଁନ୍ତି ଏବଂ ବହୁତ ବିଳମ୍ବରେ ଖାଉଛନ୍ତି। ତେବେ ସେ ଡାକ୍ତରଙ୍କୁ ଦେଖାଇବା ପରେ କାମ କରିବାକୁ ଜିଦ୍ ଧରି କହିଥିଲେ ଯେ ବହୁତ କାମ କରିବାକୁ ପଡିବ ଏବଂ ସେ ଛୁଟିରେ ଯିବେ ନାହିଁ, ସେ ଜୁଲାଇ ୭ ତାରିଖ ରବିବାର ଦିନ ପୁଣିଥରେ ନିଜ ପିଜିକୁ ଫେରିଥିଲେ ।
“ମୋ ଝିଅର ସ୍ବପ୍ନ ଥିଲା ଯେ ତାଙ୍କ କଷ୍ଟ ଉପାର୍ଜିତ ଟଙ୍କା ସହିତ ପିତାମାତାଙ୍କୁ ସମ୍ମିଳନୀକୁ ନେବାକୁ। ସେ ଆମର ବିମାନ ଟିକେଟ ବୁକ୍ କରି ଆମକୁ ନେଇଗଲେ। ତେବେ ସେହି ଦୁଇ ଆମେ ଶେଷ ଦିନ କଟାଇଥିଲୁ। ” ଅନୀତା ଅଗଷ୍ଟିନ୍ ଲେଖିଛନ୍ତି ଯେ ଆନ୍ନା ବିଳମ୍ବିତ ରାତି ପର୍ଯ୍ୟନ୍ତ କାମ କରିଥିଲେ, ଏପରିକି ସପ୍ତାହ ଶେଷରେ ମଧ୍ୟ ତାଙ୍କୁ ନିଶ୍ୱାସ ନେବାକୁ କୌଣସି ସୁଯୋଗ ନଥିଲା। “ଥରେ ତାଙ୍କ ଆସିଷ୍ଟାଣ୍ଟ ମ୍ୟାନେଜର ତାଙ୍କୁ ରାତିରେ ଏକ ଆସାଇନମେଣ୍ଟ ପାଇଁ ଡାକିଲେ ଯାହା ପରଦିନ ସକାଳେ ସମ୍ପୂର୍ଣ୍ଣ ହେବା ଆବଶ୍ୟକ ଥିଲା, ତାଙ୍କୁ ବିଶ୍ରାମ ନେବାକୁ କିମ୍ବା ସୁସ୍ଥ ହେବାକୁ ସମୟ ନଥିଲା। ଯେତେବେଳେ ସେ ନିଜର ଚିନ୍ତା ପ୍ରକଟ କରିଥିଲେ ସେତେବେଳେ ତାଙ୍କୁ ବରଖାସ୍ତ କରାଯାଇଥିଲା। ମୁଁ ପାଇଥିବା ପ୍ରତିକ୍ରିୟା ହେଲା,” ତୁମେ ରାତିରେ କାମ କରିପାରିବ, ତାହା ହିଁ ଆମେ ସମସ୍ତେ କରିଥାଉ।ଯାହାକି ତାଙ୍କୁ ଅଫିସ ପକ୍ଷରୁ କୁହାଯାଉଥିଲା ବୋଲି ତାଙ୍କ ମା ପ୍ରକାଶ କରିଛନ୍ତି ।
ଏହି ମାମଲାରେ ତାଙ୍କ ମାଆ ଦାବି କରିଛନ୍ତି, ଅତ୍ୟଧିକ କାର୍ଯ୍ୟ ହେତୁ ଅନେକ କର୍ମଚାରୀ ଇସ୍ତଫା ଦେଇଛନ୍ତି। ଅତ୍ୟଧିକ କାର୍ଯ୍ୟ ହେତୁ ପେରାଇଲ ମଧ୍ୟ କମ୍ପାନୀରୁ ଇସ୍ତଫା ଦେବେ ବୋଲି ଆଗ୍ରହ ଥିଲେ। କିନ୍ତୁ ତାଙ୍କ ମାଲିକ ତାଙ୍କୁ ଟିମର ଏକ ଅଂଶ ରହିବାକୁ ଏବଂ ସମସ୍ତଙ୍କ ମତ ପରିବର୍ତ୍ତନ କରିବାକୁ କହିଥିଲେ। ଯେତେବେଳେ ତାଙ୍କ ମାଲିକ ଏକ ମିଟିଂ କରନ୍ତି, ଆଲୋଚନା ଘଣ୍ଟା ଘଣ୍ଟା ଧରି ଚାଲେ। ପରେ ସନ୍ଧ୍ୟାରେ ତାଙ୍କୁ ଅଧିକ କାମ ଦିଆଯାଏ। ସେ ଏହା ମଧ୍ୟ କହିଛନ୍ତି ଯେ ତାଙ୍ ଝିଅ ବିଳମ୍ବିତ ରାତି ପର୍ଯ୍ୟନ୍ତ ଏବଂ ବେଳେବେଳେ ଛୁଟିଦିନରେ ମଧ୍ୟ କାମ କରୁଥିଲେ।
ପେରାଇଲଙ୍କ ମାଆ କମ୍ପାନୀର ମୁଖ୍ୟ ମାଲିକଙ୍କୁ ଏକ ଇମେଲ ପଠାଇ ତାଙ୍କ ଝିଅର ମୃତ୍ୟୁର କାରଣ ବିଷୟରେ ବିସ୍ତୃତ ଭାବରେ ବର୍ଣ୍ଣନା କରିଛନ୍ତି। ସେ ଲେଖିଥିଲେ ଯେ ତାଙ୍କ ଝିଅର ଅବସ୍ଥା ବିଗିଡୁଥିଲା। ସେ କାମରୁ ଫେରିବା ପରେ ଏତେ ଥକି ଯାଉଥିଲେ ଯେ ସେ ପୋଷାକ ନବଦଳାଇ ଶୋଇପଡୁଥିଲେ। ବିଭିନ୍ନ ପ୍ରକାରର ରିପୋର୍ଟ ପ୍ରସ୍ତୁତ କରିବା ପାଇଁ ତାଙ୍କ ମୋବାଇଲରେ କେବଳ ମେସେଜ ଆସୁଥିଲା। କାର୍ଯ୍ୟଟି ଠିକ୍ ସମୟରେ ଶେଷ କରିବା ପାଇଁ ସେ ଦିନରାତି କଠିନ ପରିଶ୍ରମ କରୁଥିଲେ। ତାଙ୍କୁ ଚାକିରୀ ଛାଡିବାକୁ ମଧ୍ୟ କୁହାଯାଇଥିଲା କିନ୍ତୁ ସେ ହାର ମାନିବାକୁ ଚାହୁଁନଥିଲେ। ପରିଶେଷରେ ଚାପ ହେତୁ ସେ ଏହି ଦୁନିଆ ଛାଡି ଚାଲିଗଲେ। ଏଥିପାଇଁ ଦାୟୀ କିଏ ବୋଲି କମ୍ପାନୀ ମାଲିକଙ୍କୁ ଜବାବ ମାଗିଛନ୍ତି ମୃତ କର୍ମଚାରୀଙ୍କ ମାଆ।
ଅନ୍ୟପଟେ କମ୍ପାନୀ ପକ୍ଷରୁ କୁହାଯାଇଛି ଯେ, ଏହି ଘଟଣା ସେମାନଙ୍କୁ ମର୍ମାହତ କରିଛି। ଏହାକୁ କମ୍ପାନୀ ଗମ୍ଭୀରତାର ସହିତ ନେବା ସହ କାର୍ଯ୍ୟସ୍ଥଳରେ ଉନ୍ନତି ଆଣିବା ଦିଗରେ ପଦକ୍ଷେପ ନିଆଯିବ।
