ନୂଆଦିଲ୍ଲୀ: ଲୋକସଭାରେ ଏସଆଇଆରକୁ ନେଇ ଚର୍ଚ୍ଚା। ଲୋକସଭାରେ ଆଲୋଚନା କରୁଛନ୍ତି ଗୃହମନ୍ତ୍ରୀ ଅମିତ ଶାହ। ଗୃହମନ୍ତ୍ରୀ କହିଛନ୍ତି ଯେ ଏସଆଇଆରକୁ ନେଇ ମିଛ ପ୍ରଚାର କରୁଛି କଂଗ୍ରେସ। ୧୯୫୨ରେ ପ୍ରଥମେ ଏସଆଇଆର ହୋଇଥିଲା। କଂଗ୍ରେସ ସମୟରେ ବହୁଥର ଏସଆଇଆର ହୋଇଥିଲା। ଏସଆଇଆର ହେଲେ ମତଦାତା ସୂଚି ଶୁଦ୍ଧ ହେବ। କେନ୍ଦ୍ର ଗୃହମନ୍ତ୍ରୀ କହିଛନ୍ତି, “ରାହୁଲ ଗାନ୍ଧୀ ନଭେମ୍ବର ୫ ତାରିଖରେ ପରମାଣୁ ବୋମା ବିସ୍ଫୋରଣ କରିଥିଲେ। ସେ ହରିୟାଣାରେ ଭୋଟ୍ ଜାଲିଆତି ହୋଇଥିବା ଅଭିଯୋଗ କରିଥିଲେ। ରାହୁଲ ଗାନ୍ଧୀ ହରିୟାଣା ନିର୍ବାଚନ ବିଷୟରେ ମିଛ କହିଥିଲେ। ଅନୁପ୍ରବେଶକାରୀମାନେ ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀ କିଏ ହେବା ଉଚିତ ତାହା ସ୍ଥିର କରିପାରିବେ ନାହିଁ ।“
ସେ କହିଛନ୍ତି ଯେ ଏସଆଇଆର ଅଧୀନରେ, ମୃତ୍ୟୁବରଣ କରିଥିବା ଲୋକଙ୍କ ନାମ ବାଦ ଦିଆଯାଏ। ବିଦେଶୀ ନାଗରିକଙ୍କ ନାମ ଯୋଡାଯାଏ। ୧୮ ବର୍ଷ ବୟସ ହୋଇଥିବା ଲୋକଙ୍କ ନାମ ଯୋଡାଯାଏ। ଭୋଟରଙ୍କ ନାମ ଯେପରି ସେହି ସ୍ଥାନରେ ନ ଦେଖାଯାଏ ସେଥିପ୍ରତି ଧ୍ୟାନ ଦିଆଯାଏ। ଏହି ଏସଆଇଆର ହେଉଛି ଭୋଟର ତାଲିକାର ଶୁଦ୍ଧିକରଣ। କୌଣସି ବିଦେଶୀଙ୍କୁ ଏହି ଦେଶର ସଂସଦ କିମ୍ବା ରାଜ୍ୟ ସରକାରଙ୍କୁ ନିର୍ବାଚିତ କରିବାର ଅଧିକାର ଦିଆଯିବା ଉଚିତ୍ ନୁହେଁ।
ସେ ଆହୁରି କହିଛନ୍ତି ଯେ କଂଗ୍ରେସର ପରାଜୟର କାରଣ ଇଭିଏମ୍ ନୁହେଁ ବରଂ ସେମାନଙ୍କର ନେତୃତ୍ୱ। କଂଗ୍ରେସ କର୍ମୀମାନେ ଦିନେ ସେମାନଙ୍କଠାରୁ ହିସାବ ମାଗିବେ। ଏହି ଲୋକମାନେ ହାରିବା ପରେ ଇଭିଏମକୁ ଦୋଷ ଦିଅନ୍ତି । ଏହି ଦେଶର ନାଗରିକ ହେବା ପୂର୍ବରୁ ସୋନିଆ ଗାନ୍ଧୀ ଜଣେ ଭୋଟର ଥିଲେ ବୋଲି ଅଭିଯୋଗ କରି ଏକ ମାମଲା ସମ୍ପ୍ରତି ଦାୟର କରାଯାଇଛି । ବିରୋଧୀଙ୍କ ହଟ୍ଟଗୋଳର ଜବାବ ଦେଇ ଶାହ କହିଛନ୍ତି ଯେ ମାମଲା ଚାଲିଛି ଏବଂ ତଥ୍ୟଭିତ୍ତିକ। ସୋନିଆ ଗାନ୍ଧୀଙ୍କୁ କୋର୍ଟରେ ଉତ୍ତର ଦେବାକୁ ପଡିବ।
