ଭୁବନେଶ୍ୱର: ବାଲେଶ୍ୱର ଏଫଏମ କଲେଜ ଛାତ୍ରୀ ଆତ୍ମାହୁତି ଉଦ୍ୟମ ଘଟଣା । ଏଫଏମ କଲେଜ ଘଟଣାରେ ଅନୁଧ୍ୟାନ କମିଟି ଗଠନ କଲା କଂଗ୍ରେସ । ମହିଳା କଂଗ୍ରେସ ସଭାନେତ୍ରୀ ମିନାକ୍ଷୀ ବାହିନୀପତିଙ୍କ ଅଧକ୍ଷତାରେ କମିଟି ଗଠନ କରାଯାଇଛି । ମୋଟ ୮ ଜଣିଆ କମିଟିରେ ବିଧାୟିକା ସୋଫିଆ ଫିର୍ଦ୍ଦୋସ ସାମିଲ ଅଛନ୍ତି । କମିଟି ବାଲେଶ୍ୱର ଗସ୍ତ କରି ଅନୁଧ୍ୟାନ କରି ରିପୋର୍ଟ ଦେବ । ବାଲେଶ୍ବର ଘଟଣାରେ ରାଜ୍ୟ ସରକାରଙ୍କୁ କଂଗ୍ରେସର ଟାର୍ଗେଟ୍।
ସରକାରଙ୍କୁ ପିସିସି ସଭାପତି ଭକ୍ତ ଦାସଙ୍କ ଟାର୍ଗେଟ କରି କହିଛନ୍ତି କଂଗ୍ରେସ ପକ୍ଷରୁ ଘଟଣାକୁ ନେଇ ଆନ୍ଦୋଳନ କରାଯାଉଛି । ଠିକ ଢଙ୍ଗରେ ଘଟଣାର ତଦନ୍ତ ହେବାର ଆବଶ୍ୟକତା ରହିଛି । ମହିଳା କଂଗ୍ରେସ ଆସନ୍ତାକାଲି ବାଲେଶ୍ୱର ଏଫଏମ କଲେଜ ଯିବ । ଛାତ୍ରୀ କାହିଁକି ଆତ୍ମହତ୍ୟା କଲା, ସମସ୍ତଙ୍କୁ ସେ ଅବଗତ କରିଥିଲା । କାହିଁକି ଛାତ୍ରୀଙ୍କ ଅଭିଯୋଗକୁ ହାଲୁକା ଭାବେ ନିଆଗଲା ବୋଲି ପ୍ରଶ୍ନ କରିଛନ୍ତି ଭକ୍ତ ଦାସ । ଅନ୍ୟପଟେ ବର୍ଷିଛନ୍ତି ମହିଳା କଂଗ୍ରେସ ସଭାନେତ୍ରୀ ମୀନାକ୍ଷୀ ବାହିନୀପତି। କହିଛନ୍ତି ଛାତ୍ରୀଙ୍କୁ ଏଚଓଡି ସମୀର ସାହୁ ବାରମ୍ବାର ନିର୍ଯାତନା ଦେଇଛନ୍ତି। ସେହି କଲେଜରେ ସ୍ଥାୟୀ ପ୍ରିନ୍ସିପାଲ୍ ନାହାନ୍ତି। ଛାତ୍ରୀ ସେଠିକାର ବିଧାୟକ, ସାଂସଦ ଓ ପୋଲିସକୁ କହିଥିଲେ। କିନ୍ତୁ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନଥିଲା। ଛାତ୍ରୀଙ୍କୁ ବାଧ୍ୟ କରାଯାଇଛି ଆତ୍ମାହୁତି ଦେବାକୁ। ଏଥିରେ ଯେଉଁମାନେ ସଂପୃକ୍ତ ଅଛନ୍ତି ତାଙ୍କୁ ଦଣ୍ଡ ମିଳୁ।।
