ପୋଖରୀରେ ବୁଡି ଦ୍ୱିତୀୟ ଶ୍ରେଣୀ ଛାତ୍ରୀର ମୃତ୍ୟୁ

ସୁନ୍ଦରଗଡ : ପୋଖରୀରେ ବୁଡି ଦ୍ୱିତୀୟ ଶ୍ରେଣୀ ଛାତ୍ରୀର ମୃତ୍ୟୁ  ଘଟିଛି । ସୁନ୍ଦରଗଡ ଜିଲ୍ଲା  ଲଇକେରା ଥାନା ଫାଣ୍ଡିଂ ଜାମମାଲ ଗ୍ରାମରେ  ଶୁକ୍ରବାର ଅପରାହ୍ଣରେ  ଏହି ଘଟଣା ଘଟିଛି । ମୃତ ଛାତ୍ରୀ ହେଲା ଶ୍ରାବଣୀ ମାଝୀ । ପରିବାର ଲୋକେ ପୋଖରୀ ଭିତରୁ ଖୋଜି ଶ୍ରାବଣୀକୁ  ପାଇବା ପରେ  ବାମରା ଗୋବିନ୍ଦପୁର  ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା  ପାଇଁ ନେଇଯାଇଥିଲେ ।  ଡାକ୍ତର ସେଠାରେ ତାଙ୍କୁ  ମୃତ ଘୋଷଣା କରିଥିଲେ । ରାତି ହୋଇଯାଇଥିବାରୁ ଆଜି ଶବ ବ୍ୟବଚ୍ଛେଦ କରାଇଥିଲା।ସାହାସପୁର ଫାଣ୍ଡି ଅଧିକାରୀ  ଶିବ ରଣବିଡେ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରିଥିଲେ। ଛାତ୍ରୀ ମୃତ୍ୟୁକୁ ନେଇ ପରିବାର ଲୋକଙ୍କ ସହିତ ଗ୍ରାମ ତଥା  ବିଦ୍ୟାଳୟରେ ଶୋକର ଛାୟା ଖେଳିଯାଇଛି ।