ଲୋକଙ୍କ ଅଭିଯୋଗ ଶୁଣିଲେ ମୁଖ୍ୟମନ୍ତ୍ରୀ

ଭୁବନେଶ୍ୱର:  ସୋମବାର  ଭୁବନେଶ୍ୱର ୟୁନିଟ ୨ ସ୍ଥିତ ଅଭିଯୋଗ  ପ୍ରକୋଷ୍ଠରେ   ଆୟୋଜିତ ୧୬ ତମ ଜନ ଶୁଣାଣି  କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ  ମୋହନମାଝୀ  ରାଜ୍ୟର ବିଭିନ୍ନ ପ୍ରାନ୍ତରୁ ଆସିଥିବା ଲୋକଙ୍କ ସମସ୍ୟା ଶୁଣିଛନ୍ତି ।  ଅଭିଯୋଗ ଶୁଣିବା ସହ ସେ ସବୁର ତ୍ୱରିତ  ସମାଧାନ ପାଇଁ ନିର୍ଦ୍ଦେଶ ଦେଇଛନ୍ତି । ଏନେଇ ମୁଖ୍ୟମନ୍ତ୍ରୀ   ସୋସିଆଲ ମିଡିଆ ଏକ୍ସରେ ପୋଷ୍ଟ କରି କହିଛନ୍ତି,  ଜନତାଙ୍କ ଅକୁଣ୍ଠ ବିଶ୍ୱାସ ଓ ଆସ୍ଥା ହିଁ ଆମକୁ ପ୍ରତିଦିନ ନିରନ୍ତର ସେବା କରିବା ପାଇଁ ଅପାର ଶକ୍ତି ଯୋଗାଉଛି । ଏସରକାର ହେଉଛି ଲୋକଙ୍କ ସରକାର ।  ପ୍ରସାସନ ଓ ଜନତାଙ୍କ  ମଧ୍ୟରେ ଥିବା  ବ୍ୟବଧାନକୁ ଦୂର କରି ବ୍ୟବସ୍ଥାକୁ ଲୋକଙ୍କ ଅତି ନିକଟତର କରିବା ପାଇଁ  ଆମେ ପ୍ରତିବଦ୍ଧ । ଆପଣଙ୍କ ଭରସା  ହିଁ  ଆମର ପ୍ରେରଣା ଏକ ସମୃଦ୍ଧ, ଶକ୍ତିଶାଳୀ ଓ ବିକଶିତ ଓଡିଶା ଗଠନ ପାଇଁ ଆମର ପ୍ରେତ୍ୟକଟି ପଦକ୍ଷେପ  ଆପଣଙ୍କ ସେବାରେ ସମର୍ପିତ ।