ନୂଆଦିଲ୍ଲୀ: ମାଓଗଡରେ ଯବାନ ଖେଳିଲେ ରକ୍ତର ହୋଲି । ସେ ସୁକମା କୁହନ୍ତୁ କି ବିଜାପୁର କୁହନ୍ତୁ ଅବା ବସ୍ତର । ଛତିଶଗଡରେ ବିଭିନ୍ନ ସମୟରେ ତାଣ୍ଡବ ରଚନ୍ତି ମାଓବାଦୀ । ଆଉ ମାଓ ହିଂସାର ଶିକାର ହୋଇ ଜୀବନ ହରାନ୍ତି ଯବାନ । ନକ୍ସଲଙ୍କ ଗୁଳିରେ, ଲ୍ୟାଣ୍ଡମାଇନ ବିସ୍ଫୋରଣରେ ଅନେକ ସମୟରେ ସହିଦ ହୁଅନ୍ତି ଆମ ଦେଶର ସୁରକ୍ଷା କର୍ମୀ । କେତେବେଳେ ପୋଲିସ ଗାଡିକୁ ଟାର୍ଗେଟ୍ କରନ୍ତି ତ କେବେ ଆମ୍ବୁସ କରି ଅତର୍କିତ ଆକ୍ରମଣ କରି ଯବାନଙ୍କ ଜୀବନ ନଇଯାଆନ୍ତି। ହେଲେ ଜଙ୍ଗଲରେ ଲୁଚି ଲୁଚି ଆକ୍ରମଣ କରୁଥିବା ସେହି ଜହ୍ଲାଦ ମାନଙ୍କୁ ମଝିରେ ମଝିରେ ପାନେ ଦିଅନ୍ତି ଆମ ଯବାନ । କେବେ କମ୍ବିଂ ଅପରେସନ ତ କେବେ ମିଶନ ମାଓବାଦୀ… ନକ୍ସଲ ମୁକ୍ତ ଭାରତର ଅଭିଯାନକୁ ଆଗେଇ ନେବାକୁ ଏବେ ଲଗାତାର ଅପରେସନ କରି ମାଓ ଶିବିର ଧ୍ୱଂସ କରିବା ସହ ନକ୍ସଲ ଗଡରେ ଆତଙ୍କ ଖେଳାଇଛନ୍ତି ଆମ ଯବାନମାନେ । ମାଓବାଦୀଙ୍କୁ ନିପାତ କରି ଇଟାର ଜବାବ ପଥରରେ ଦେଉଛନ୍ତି ସୁରକ୍ଷା କର୍ମୀ । ଭାରତକୁ ନକ୍ସଲ ମୁକ୍ତ କରିବାକୁ ସରକାର ଯେଉଁ ପଦକ୍ଷେପ ନେଇଛନ୍ତି ତାକୁ ଆହୁରି ବଳ ଦେଇଛି ଆଜିର ମାଓ ନିପାତ ଘଟଣା । ଛତିଶଗଡର ବିଜାପୁର ଏବଂ କାଙ୍କେରରେ ସୁରକ୍ଷା କର୍ମୀ ଦୁଇଟି ପୃଥକ ଅପରେସନରେ ୩୦ ଜଣ ନକ୍ସଲଙ୍କୁ ନିପାତ କରିଛନ୍ତି । ନକ୍ସଲ ଗଡ ସଫା କରିବା ସହ ନକ୍ସଲ ଶିବିରରୁ ବିପୁଳ ପରିମାଣରେ ମାରଣାସ୍ତ୍ର ଓ ବିସ୍ଫୋରକ ଜବତ କରାଯାଇଛି । ଏହି ବଡ ଧରଣର ଏନକାଉଣ୍ଟରରେ ଜଣେ ଯବାନ ସହିଦ ହୋଇଛନ୍ତି ।
#WATCH | Chhattisgarh: Visuals from near ground zero in Bijapur District where jawans are returning from the encounter site. Bodies of Naxalites and other materials were also recovered.
So far, the bodies of 26 Naxalites have been recovered during the encounter in… pic.twitter.com/5mSf3JHWsu
— ANI (@ANI) March 20, 2025
ନକ୍ସଲ ମୁକ୍ତ ଭାରତ ଗଠନ ପାଇଁ ଆଗାମୀ ଦିନରେ ମାଓବାଦୀଙ୍କ ନିପାତ ପାଇଁ ଅପରେଜନ ଜୋରଦାର ହେବ । ମାଓବାଦୀଙ୍କ ମୂଳପୋଛ ପାଇଁ ଯବାନମାନେ ସ୍ୱତନ୍ତ୍ର ରଣନୀତି କରୁଥିବା ବେଳେ ମାଓ ନେତା ହିଡମ୍ବାର ସନ୍ଧାନ ପାଇଁ ସେ ଆତଯାତ କରୁଥିବା ୧୨୫ରୁ ଅଧିକ ଗାଁରେ ସ୍ୱତନ୍ତ୍ର ଜ୍ଞାନକୌଶଳ ଜରିଆରେ ମେପିଂ କରାଯିବ । ଓଡିଶା, ଛତିଶଗଡ ଏବଂ ଆନ୍ଧ୍ର ସୀମାନ୍ତବର୍ତ୍ତୀ ଗାଁରେ ଏବେ ଯବାନମାନେ ଡେରା ପକାଇଥିବା ବେଳେ ନକ୍ସଲଙ୍କୁ ମୂଳପୋଛ କରିବାକୁ ମୌକା ଖୋଜୁଛନ୍ତି । ତେବେ ଚଳିତ ବର୍ଷ ମୋଟ୍ ୧୦୫ ନକ୍ସଲଙ୍କୁ ନିପାତ କରାଯାଇଥିବା ଛତିଶଗଡର ଜଣେ ପୋଲିସ ଅଫିସର ସୂଚନା ଦେଇଛନ୍ତି ।
‘नक्सलमुक्त भारत अभियान’ की दिशा में आज हमारे जवानों ने एक और बड़ी सफलता हासिल की है। छत्तीसगढ़ के बीजापुर और कांकेर में हमारे सुरक्षा बलों के 2 अलग-अलग ऑपरेशन्स में 22 नक्सली मारे गए।
मोदी सरकार नक्सलियों के विरुद्ध रुथलेस अप्रोच से आगे बढ़ रही है और समर्पण से लेकर समावेशन की…
— Amit Shah (@AmitShah) March 20, 2025
ସେପଟେ ତେବେ ସୁରକ୍ଷା କର୍ମୀଙ୍କ ଏହି ସଫଳତାକୁ ଭୁରି ଭୁରି ପ୍ରଶଂସା କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ସୋସିଆଲ ମିଡିଆ ଏକ୍ସରେ ପୋଷ୍ଟ କରି ଶାହା ଲେଖିଛନ୍ତି- ଆଜି ଆମ ଯବାନମାନେ ‘ନକ୍ସଲ ମୁକ୍ତ ଭାରତ ଅଭିଯାନ’ ଦିଗରେ ଆଉ ଏକ ବଡ଼ ସଫଳତା ହାସଲ କରିଛନ୍ତି । ଛତିଶଗଡର ବିଜାପୁର ଏବଂ କାଙ୍କେରରେ ଆମର ସୁରକ୍ଷା ବାହିନୀ ଦୁଇଟି ପୃଥକ ଅପରେସନରେ ୩୦ ଜଣ ନକ୍ସଲଙ୍କୁ ନିପାତ କରିଛନ୍ତି । ଯାହା ଆମ ପାଇଁ ବଡ କଥା । ମୋଦୀ ସରକାର ନକ୍ସଲଙ୍କ ବିରୁଦ୍ଧରେ ଏକ ନିର୍ଦ୍ଦୟ ଆଭିମୁଖ୍ୟ ସହ ନକ୍ସଲମାନଙ୍କ ବିରୁଦ୍ଧରେ ଶୂନ୍ୟ ସହନଶୀଳତା ନୀତି ଆପଣେଇଛନ୍ତି । ଆସନ୍ତା ବର୍ଷ ମାର୍ଚ୍ଚ ୩୧ ପୂର୍ବରୁ ଦେଶ ନକ୍ସଲ ମୁକ୍ତ ହେବାକୁ ଯାଉଛି ।
