ବୋର୍ଡ ଉପସଭାପତିଙ୍କୁ ସିବିର ପଚରାଉଚରା

ଭୁବନେଶ୍ୱର: ଓଟିଇଟି ପ୍ରଶ୍ନପତ୍ର ଲିକ ମାମଲାରେ  ବୋର୍ଡ ଉପସଭାପତି  ନିହାର ରଂଜନ ମହାନ୍ତିଙ୍କୁ ପଚରାଉଚରା କରାଯାଇଛି  ା କ୍ରାଇମବ୍ରାଞ୍ଚ ଅଫିସକୁ  ଡାକି ବୋର୍ଡ ଉପସଭାପତିଙ୍କୁ ପଚରାଉଚରା କରାଯାଇଛି ।  ବହୁ ଗୁରୁତ୍ୱପୂଣ୍ଣ ଡକ୍ୟୁମେଣ୍ଟ ମଧ୍ୟ ଯାଞ୍ଚ କରାଯାଇଥିବା ସୂଚନା ମିଳିଛି ।  ଗତକାଲି  ଓଟିଇଟି ପ୍ରଶ୍ନପତ୍ର ଲିକ ମାମଲାରେ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ପ୍ରତିକ୍ରିୟା ରଖିଥିଲେ ।ଯେଉଁମାନେ ବି ସଂପୃକ୍ତ କାହାକୁ ଛଡାଯିବନି କହିଲେ ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ଯିଏ ବି କରିଛି , ଯେତେ ବଡ ଲୋକ ହେଉ ନା କାହିଁକି ଛଡା ଯିବନି । କ୍ରାଇମବ୍ରାଞ୍ଚ ତଦନ୍ତ କରୁଛି, ଦୋଷୀଙ୍କ ଉପରେ କାଯ୍ୟାନୁଷ୍ଠାନ ହେବ ।   ପ୍ରେସମିଟ କରି କ୍ରାଇମବ୍ରାଞ୍ଚ ଡିଆଇଜିବି. ଗଙ୍ଗାଧର ସୂଚନା ଦେଇଥିଲେ  ା   କାହିଁକି ପ୍ରଶ୍ନପତ୍ର ଲିକ ହେଲା , ତାର ତଦନ୍ତ  ଚାଲିଛି ।  ବୋର୍ଡ ଅଫିସ କର୍ମଚାରୀଙ୍କୁ  ପଚରାଉଚରା କରାଯାଇଛି  । ୭ ଗିରଫ ପରେ ଆଉ କିଏ ରହିଛନ୍ତି, ତଦନ୍ତ ଜାରି ରହିଛି । ଲାପଟପ ପାସୱାର୍ଡ କେମିତି ମିଳିଲା ତଦନ୍ତ ଚାଲିଛି ।  କାହା କାହା ପାଖକୁ ପ୍ରଶ୍ନପତ୍ର  ଯାଇଛି , ଲିଙ୍କ ଖୋଜା ଚାଲିଛି ।  ସମସ୍ତଙ୍କ ବିରୋଧରେ କଠୋର କାଯ୍ୟାନୁଷ୍ଠାନ ହେବ ।  ପ୍ରଶ୍ନପତ୍ର ଲିକ ଘଟଣାରେ ଗିରଫ ହେଲେଣି ମୋଟ ୭ ଜଣ । ଆଗରୁ ୪ ଶିକ୍ଷକ ସମେତ ୬ ଜଣ ଗିରଫ ହୋଇଥିଲେ ।  ବୋର୍ଡର ଡାଟା ଏଣ୍ଟ୍ରି ଅପରେଟର ଜିତନ ମହାରଣା ଥିଲେ ମାଷ୍ଟରମାଇଣ୍ଡ ।