ନୂଆଦିଲ୍ଲୀ: ହିମାଚଳ ପ୍ରଦେଶ ସିମଲାରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଦୁର୍ଘଟଣାରେ ୨ ଜଣଙ୍କ ମୃତ୍ୟୁ ହୋଇଛି । ଚିରଗାଓଁ ଥାନା ଅନ୍ତଃର୍ଗତ ଟିକ୍ରି-ଶିଲାଡେଶ ରାସ୍ତାର ଗାଡସାରି ନିକଟରେ ଏକ ଆଲ୍ଟୋ କାର ଦୁର୍ଘଟଣାର ସମ୍ମୁଖୀନ ହୋଇଥିଲା। କାରରେ ଥିବା ଉଭୟ ଯୁବକ ପ୍ରାଣ ହରାଇଛନ୍ତି । ସୂଚନାନୁସାରେ, ଉଭୟ ଯୁବକ ସନ୍ଧ୍ୟାରେ ଘରକୁ ଫେରୁଥିଲେ । ଏହି ସମୟରେ କାରଟି ନିୟନ୍ତ୍ରଣ ହରାଇ ପ୍ରାୟ ୧୫୦ ମିଟର ଏକ ଖାଲରେ ଖସିପଡିଥିଲା। ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ପହଞ୍ଚି ମୃତହେଦ ଜବତ କରିଛି । ଦୁର୍ଘଟଣାର କାରଣ ଜଣା ପଡିନାହିଁ। ବହୁ ଚେଷ୍ଟା ପରେ ମୃତଦେହ ଉଦ୍ଧାର କରାଯାଇଥିଲା । ତେବେ କାରକୁ ଏପର୍ୟ୍ୟନ୍ତ ଉଦ୍ଧାର କରାଯାଇନାହିଁ ।
