ଖାଇକୁ ଖସିଲା କାର: ୫ ମୃତ

ନୂଆଦିଲ୍ଲୀ: ଉତ୍ତରାଖଣ୍ଡର ଚମୋଲି ଜିଲ୍ଲାରେ  ଭୟଙ୍କର ଦୁର୍ଘଟଣା ଘଟିଛି ।   ବିରହି – ନିଜାମୁଲା ରାସ୍ତାର ଗାଦି ଗାଁ ନିକଟରେ କାରଟି ୩୦୦ ମିଟର ଗଭୀର ଘାଟିରେ ଖସି ପଡିବାରୁ ପାଞ୍ଚ ଜଣଙ୍କର ମୃତ୍ୟୁ ହୋଇଛି ।   ଘଟଣାଟି ଶୁକ୍ରବାର ସନ୍ଧ୍ୟା ପ୍ରାୟ ୬.୩୦ରେ ହୋଇଥିଲା ।  ସୂଚନା ପାଇ ଚମୋଲି ଥାନାର ପୋଲିସ ଘଟଣାସ୍ଥଳରେ ପହଞ୍ଚି ରିଲିଫ ଓ ଉଦ୍ଧାର କାଯ୍ୟ ଜାରି ରଖିଛି । ଚମୋଲିର ବରିଷ୍ଠ ପୋଲିସ ଅଧୀକ୍ଷକ   ପନୱାର କହିଛନ୍ତି ,  କାରଟି ପାଗାନା ଗାଁରେ  ଏକ ବିବାହ କାଯ୍ୟକ୍ରମରୁ ଫେରୁଥିଲା ।  ଏହି ସମୟରେ  ଡ୍ରାଇଭର ଗାଡିଟିର ନିୟନ୍ତ୍ରଣ ହରାଇଥିଲେ । ପରେ କାରଟି ୩୦୦ ମିଟର ଖାଇକୁ  ଖସିପଡିଥିଲା । ଫଳରେ ପାଞ୍ଚ ଜଣଙ୍କର ମୃତ୍ୟୁ ହୋଇଛି ମୃତକ ସମସ୍ତେ  ଗୋଲୀମ ଗାଁର ବାସିନ୍ଦା । ମୃତକଙ୍କ ଉଦ୍ଧାର କାଯ୍ୟ ଜାରି ରହିଛି ।  ଦୁର୍ଘଟଣାର ପ୍ରକୃତ କାରଣ କଣ ପୋଲିସ ତଦନ୍ତ କରୁଛି ।