କଟକ: ନିଶାଶକ୍ତ ଅବସ୍ଥାରେ ଭାଇକୁ ଛୁରି ଭୁସିଲା ଭାଇ । କଟକ ଦିୱାନ ବଜାର ଅଞ୍ଚଳରେ ନିଶାଶକ୍ତ ଅବସ୍ଥାରେ ଭାଇକୁ ଛୁରାମାଡ କରି ଗିରଫ ହୋଇଛି ଅଭିଯୁକ୍ତ ଭାଇ । କଟକ ଲାଲବାଗ ଥାନା ଦିୱାନ ବଜାର ଅଞ୍ଚଳର ଦୁଇ ଭାଇ ମହମ୍ମଦ ରୋହିତ ଓ ମହମ୍ମଦ ତହିତ । ମଙ୍ଗଳବାର ରାତିରେ ରୋହିତ ନିଶାଶକ୍ତ ଅବସ୍ଥାରେ ଘରକୁ ଫେରିବା ପରେ ଘରେ ଦୁଇ ଭାଇଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏହାପରେ ରୋହିତ ଏକ ଧାରୁଆ ଛୁରିରେ ଭାଇ ତହିରଙ୍କ ପେଟକୁ ଭୁସି ଦେଇଥିଲେ । ତହିତ ରକ୍ତ ଜୁଡୁବୁଡୁ ଅବସ୍ଥାରେ ତଳେ ପଡିଯିବାରୁ ଗୁରୁତର ଅବସ୍ଥାରେ ସିଟି ହସ୍ପିଟାଲରେ ଭର୍ତ୍ତି କରାଯାଇଥିଲା । ବୁଧବାର ଏସଂକ୍ରାନ୍ତରେ ଲାଲବାଗ ଥାନା ରେ ଅଭିଯୋଗ ପରେ ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଅଭିଯୁକ୍ତ ରୋହିତଙ୍କୁ କୋର୍ଟ ଚାଲାଣ କରାଯାଇଛି ।
