ଉତ୍ତର ପ୍ରଦେଶ: ଉତ୍ତର ପ୍ରଦେଶର ମୋରାଦାବାଦରୁ ଏକ ଦୁଃଖଦ ଘଟଣା ସାମ୍ନାକୁ ଆସିଛି। କ୍ରିକେଟ୍ ପିଚ୍ରେ ଟଳି ପଡିଲେ ବୋଲର୍। ଏକ କ୍ରିକଟେ ଟୁର୍ଣ୍ଣାମେଣ୍ଟ ସମୟରେ ହୃଦଘାତ ଯୋଗୁଁ ମୃତ୍ୟୁବରଣ କରିଛନ୍ତି ଦ୍ରୁତ ବୋଲର୍ ଅହମର ଖାନ। ସେ ପିଚ୍ରେ ଟଳିପଡିବା ପରେ ତୁରନ୍ତ ତାଙ୍କୁ ସିପିଆର୍ ଦିଆଯାଇଥିଲା ଏବଂ ଆମ୍ବୁଲେନ୍ସ ଯୋଗେ ହସ୍ପିଟାଲ ନିଆଯାଇଥିଲା। ହେଲେ ହସ୍ପିଟାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ସୂଚନା ଅନୁସାରେ, ଆଜି ମୋରାଦାବାଦର ବିଲାରି ବ୍ଲକର ଚିନି ମିଲ୍ ପଡ଼ିଆରେ ୟୁପି ଭେଟେରାନ୍ସ କ୍ରିକେଟ୍ ଆସୋସିଏସନ୍ ଦ୍ୱାରା ଆୟୋଜିତ ଏକ ଟୁର୍ଣ୍ଣାମେଣ୍ଟରେ ମୋରାଦାବାଦ ଏବଂ ସମ୍ଭଲ ଦଳ ମଧ୍ୟରେ ଏକ ମ୍ୟାଚ୍ ଖେଳାଯାଇଥିଲା। ମୋରାଦାବାଦ ଦଳ ପ୍ରଥମେ ବ୍ୟାଟିଂ କରିଥିଲା, ଏବଂ ତା’ପରେ ସମ୍ଭଲ ଦଳ ବ୍ୟାଟିଂ କରୁଥିଲା, ଶେଷ ଚାରିଟି ବଲ୍ ରୁ ୧୪ ରନ୍ ଆବଶ୍ୟକ ଥିଲା। ମୋରାଦାବାଦର ବାମହାତୀ ଦ୍ରୁତ ବୋଲର ଅହମର ଖାନ ବୋଲିଂ କରୁଥିଲେ।
ଏକ ରୋମାଞ୍ଚକର ପ୍ରତିଯୋଗିତାରେ, ଅହମର ଖାନ ଦଳକୁ ସ୍କୋରଶୂନ୍ୟ ରଖି ୧୧ ରନ୍ ରେ ମ୍ୟାଚ୍ ଜିତାଇଥିଲେ। ଶେଷ ବଲ ପକାଇବା ପରେ, ଅହମର ଖାନ ପିଚ୍ ଉପରେ ବସି ପଡ଼ିଲେ ଏବଂ ତା’ପରେ ଶୋଇ ପଡ଼ିଲେ। ତାଙ୍କର ନିଶ୍ୱାସ ବନ୍ଦ ହେବା ଦେଖି, ତାଙ୍କ ସାଥୀ ଖେଳାଳି ଏବଂ ସେଠାରେ ଉପସ୍ଥିତ ଜଣେ ସାଥୀ ଡାକ୍ତର ତାଙ୍କୁ ସିପିଆର୍ ଦେଇଥିଲେ, ତା’ପରେ ତାଙ୍କୁ ତୁରନ୍ତ ଆମ୍ବୁଲାନ୍ସ ଯୋଗେ ହସ୍ପିଟାଲକୁ ନିଆଯାଇଥିଲା ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
