ପାଟନା ସିଭିଲ୍ କୋର୍ଟକୁ ବୋମା ଧମକ

ପାଟନା: ପାଟନା ସିଭିଲ୍ କୋର୍ଟକୁ ମିଳିଛି ବୋମା ଧମକ। ଶୁକ୍ରବାର ଦିନ ପାଟନା ସିଭିଲ୍ କୋର୍ଟକୁ ଇମେଲ୍ ମାଧ୍ୟମରେ ବୋମା ଧମକ ମିଳିଛି। ବୋମା ଧମକ ପରେ କୋର୍ଟ ପରିସରକୁ ତୁରନ୍ତ ଖାଲି କରିବାକୁ ନିର୍ଦେଶ ଦିଆଯାଇଥିଲା । ବର୍ତ୍ତମାନ ବିହାର ପୋଲିସ ମୁଖ୍ୟାଳୟ କୋର୍ଟରେ ସୁରକ୍ଷା ବ୍ୟବସ୍ଥା ବଢ଼ାଇ ଦେଇଛି ଏବଂ ସମ୍ଭାବ୍ୟ ଆତଙ୍କବାଦୀ କାର୍ଯ୍ୟକଳାପ ସମ୍ପର୍କରେ ରାଜ୍ୟବ୍ୟାପୀ ସତର୍କତା ଜାରି କରିଛି। ନେପାଳ ଦେଇ ପାକିସ୍ତାନରୁ ତିନି ଜଣ ଆତଙ୍କବାଦୀ ନିର୍ବାଚନ ହେବାକୁ ଥିବା ରାଜ୍ୟ ବିହାରରେ ପ୍ରବେଶ କରିଥିବା ସୂଚନା ମିଳିବା ପରେ ଏହି ଧମକ ଆସିଛି। ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ମିଳିବା ପରେ ସମଗ୍ର ବିହାରରେ ଏକ ଉଚ୍ଚ ସୁରକ୍ଷା ସତର୍କତା ଜାରି କରାଯାଇଥିଲା। ବିହାର ପୋଲିସ ମୁଖ୍ୟାଳୟ ସମସ୍ତ ଜିଲ୍ଲା ପୋଲିସକୁ ସତର୍କ କରାଇ ଦେଇଥିଲା ଏବଂ ନିଷିଦ୍ଧ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର ଆତଙ୍କବାଦୀଙ୍କ ନାମ ଏବଂ ଫଟୋ ମଧ୍ୟ ଜାରି କରିଥିଲା। ଏହା ସହିତ ଆତଙ୍କବାଦୀଙ୍କ ନାଁରେ ୫୦,୦୦୦ ଟଙ୍କା ପୁରସ୍କାର ମଧ୍ୟ ଘୋଷଣା କରିଛି ବିହାର ପୋଲିସ।