ମାଟି ତଳୁ ମୃତଦେହ ଉଦ୍ଧାର: ହତ୍ୟା ଅଭିଯୋଗ ଆଣିଲେ ପରିବାର

କଟକ: ମାଟି ତଳୁ ମୃତଦେହ ଉଦ୍ଧାର ହୋଇଥିବା ଘଟଣା ସାମ୍ନାକୁ ଆସିଛି । କଟକ ବାରଙ୍ଗ ଥାନା ରତାଗଡ଼ରୁ ମୃତଦେହ ଉଦ୍ଧାର କରିଛି ପୋଲିସ । ମୃତକ ଜଣକ ହେଉଛନ୍ତି ରଜନୀକାନ୍ତ ବେହେରା । ତାଙ୍କ ଘର ଅନ୍ଧାରୁଆ ପଥରଗାଡ଼ିଆରେ । ମୃତକ ଜଣକ ରତାଗଡ଼ରେ ନିଜ ସଡୁ ଘରେ ରହୁଥିଲେ । ଟ୍ରେନ ଧକ୍କାରେ ମୃତ୍ୟୁ ହୋଇଥିବା ତାଙ୍କ ସଡୁ କହିଥିବା ବେଳେ , ହତ୍ୟା ଅଭିଯୋଗ ଆଣିଛନ୍ତି ମୃତକଙ୍କ ପରିବାର ଲୋକ । ତାଙ୍କ ପତ୍ନୀ ଅଭିଯୋଗ କରିଛନ୍ତି ଯେ , ସଡୁ ହତ୍ୟା କରିଛନ୍ତି ଏବଂ ଦୁର୍ଘଟଣା ର ରୂପ ଦେଉଛନ୍ତି । ତେବେ ସୂଚନା ମୁତାବକ ମୃତଦେହ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛି ପୋଲିସ ।