ନୂଆଦିଲ୍ଲୀ: ସ୍ପେନ ଯାଉଥିବା ଡଙ୍ଗା ମରକ୍କେ୍ା ନିକଟରେ ସମୁଦ୍ରରେ ବୁଡି ଯାଇଛି । ଏହି ଦୁର୍ଘଟଣାରେ ୪୦ରୁ ଅଧିକ ପାକିସ୍ତାନୀ ଲୋକଙ୍କ ମୃତ୍ୟୁ ହୋଇଥିବା ବେଳେ ୫୦ରୁ ଅଧିକ ବୁଡିଥିବା ଅନୁମାନ କରାଯାଉଛି । ପାକିସ୍ତାନ ଅଧିକାରୀମାନେ ଗତ ଗୁରୁବାର ଏହି ଘଟଣା ବିଷୟରେ ସୂଚନା ଦେଇଛନ୍ତି । ଖବର ମୁତାବକ, ଡଙ୍ଗାରେ ବସିଥିବା ଲୋକମାନେ ସ୍ପେନ୍ ଯିବାକୁ ଚେଷ୍ଟା କରୁଥିଲେ। ଏହି ଡଙ୍ଗାରେ ୮୦ରୁ ଅଧିକ ପ୍ରବାସୀ ବସିଥିଲେ । ଏହି ଡଙ୍ଗାଟି ମରକ୍େକା ନିକଟରେ ପହଞ୍ଚିବା ସମୟରେ ଭାରସାମ୍ୟ ହରାଇ ଓଲଟି ପଡିଥିଲା । ଏହି ଦୁର୍ଘଟଣାରେ ଅତି କମରେ ୫୦ ଜଣଙ୍କର ବୁଡ଼ି ମୃତ୍ୟୁ ହୋଇଥିବା ଆଶଙ୍କା କରାଯାଉଛି । ମୃତକଙ୍କ ମଧ୍ୟରୁ ୪୦ ରୁ ଅଧିକ ପାକିସ୍ତାନୀ ନାଗରିକ ବୋଲି କୁହାଯାଉଛି । ପାକିସ୍ତାନ ବୈଦେଶିକ ମନ୍ତ୍ରଣାଳୟ ଏକ ବୟାନ ଜାରି କରି କହିଛି କି, ଦୂତାବାସ ସ୍ଥାନୀୟ ଅଧିକାରୀଙ୍କ ସଂପର୍କରେ ରହିଛି । ଡଙ୍ଗାଟି ମୌରିଟାନିଆରୁ ୮୦ ଯାତ୍ରୀଙ୍କୁ ନେଇ ସ୍ପେନ ଯାଉଥିଲା। ଏଥିରେ ଅନେକ ପାକିସ୍ତାନୀ ନାଗରିକ ସାମିଲ ଥିଲେ ।
ମରକ୍େକା ନିକଟରେ ଡଙ୍ଗାଟି ଓଲଟି ପଡିଥିଲା । ପାକିସ୍ତାନୀ ନାଗରିକଙ୍କ ସୁବିଧା ଏବଂ ଆବଶ୍କୟ ସହାୟତା ପ୍ରଦାନ କରିବା ପାଇଁ ଦୂତାବାସ ଏକ ଟିମ ଘଟଣା ସ୍ଥଳକୁ ଯାଇଛି । ବିଦେଶ ମନ୍ତ୍ରଣାଳୟ କ୍ରାଇସିସି ମ୍ୟାନେଜମେଣ୍ଟ ୟୁନିଟ ସକ୍ରିୟ କରିଦିଆଯାଇଛି । ପାକିସ୍ତାନୀ ନାଗରିକଙ୍କୁ ଯଥା ସମ୍ଭବ ସହାୟତା ପ୍ରଦାନ କରିବା ପାଇଁ ନିର୍ଦ୍ଦେଶ ଦିଆଯାଇଛି । ପାକିସ୍ତାନ ପ୍ରଧାନମନ୍ତ୍ରୀ ଶହବାଜ ଶରିଫ ଅଧିକାରୀଙ୍କୁ ଘଟଣାର ରିପୋର୍ଟ ମାଗିଛନ୍ତି । ସୂଚନାଯୋଗ୍ୟ, ମରକ୍େକା କର୍ତ୍ତୃପକ୍ଷ ଗୋଟିଏ ଦିନ ପୂର୍ବରୁ ଏକ ଡଙ୍ଗାରୁ ୩୬ ଜଣଙ୍କୁ ଉଦ୍ଧାର କରିଥିଲେ । ଜାନୁଆରୀ ୨ ତାରିଖରେ ୮୬ ଜଣ ପ୍ରବାସୀଙ୍କୁ ନେଇ ଡଙ୍ଗାଟି ମୌରିଟାନିଆରୁ ବାହାରିଥିଲା । ଏହି ପ୍ରବାସୀମାନଙ୍କ ମଧ୍ୟରେ ୬୬ ଜଣ ପାକିସ୍ତାନୀ ମଧ୍ୟ ଥିଲେ । ଦକ୍ଷିଣ କୋରିଆର ଦକ୍ଷିଣ-ପଶ୍ଚିମ ଉପକୂଳରେ ଏକ ମତ୍ସ୍ୟଜୀବୀ ଡଙ୍ଗା ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଡଙ୍ଗା ୨୨ ଜଣ ଯାତ୍ରୀଙ୍କୁ ନେଇ ଯାଉଥିବା ବେଳେ ଏକ ପଥର ଚଟାଣ ସହ ଧକ୍କା ହୋଇଥିଲା । ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୧୯ ଜଣଙ୍କୁ ଉଦ୍ଧାର କରାଯାଇଥିଲା ।
