ଲୋକସଭା ସାଂସଦଙ୍କୁ ହ୍ୱିପ ଜାରି କଲା ବିଜେପି

ନୂଆଦିଲ୍ଲୀ: ଲୋକସଭା ସାଂସଦଙ୍କୁ ହ୍ୱିପ ଜାରି କଲା ବିଜେପି । ଡିସେମ୍ବର ୧୫ରୁ ୧୯ ଯାଏଁ ଗୃହରେ ଉପସ୍ଥିତ ରହିବାକୁ ନିର୍ଦ୍ଦେଶ ଦିଆଯାଇଛି । ସଂସଦର ଶୀତକାଳୀନ ଅଧିବେଶନ ଶେଷ ପର୍ଯ୍ୟାୟରେ ପ୍ରବେଶ କରିବା ସମୟରେ ଏହି ପଦକ୍ଷେପ ନିଆଯାଇଛି । ସୂଚନା ଅନୁଯାୟୀ, ସରକାର ମନେରେଗା ରଦ୍ଦ କରିବା ଏବଂ ରୋଜଗାର ଏବଂ ଆଜିବୀକା ମିଶନ ପାଇଁ ବିକାଶ ଭାରତ ଗ୍ୟାରେଣ୍ଟି ନାମକ ଏକ ନୂତନ ଗ୍ରାମୀଣ ନିଯୁକ୍ତି ଯୋଜନା ପ୍ରଣୟନ କରିବା ପାଇଁ ଏକ ବିଲ ପ୍ରସ୍ତୁତ କରୁଛନ୍ତି । ଏହି ବିକାଶକୁ କଂଗ୍ରେସ ପକ୍ଷରୁ କଡା ସମାଲୋଚନା କରାଯାଇଛି । ଦଳର ନେତାମାନେ ସରକାର ଇତିହାସକୁ ପୁନଃଲିଖନ କରିବାକୁ ଏବଂ ମହାତ୍ମା ଗାନ୍ଧୀଙ୍କ ଐତିହ୍ୟକୁ ଦୁର୍ବଳ କରିବାକୁ ଚେଷ୍ଟା କରୁଥିବା ଅଭିଯୋଗ ହୋଇଛି । ଅନ୍ୟପଟେ କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ଭାଦ୍ରା ନାମ ପରିବର୍ତ୍ତନ ପଛରେ ପ୍ରଶ୍ନ ଉଠାଇଥିଲେ । ସାରା ଦେଶରେ ଯୋଜନାର ନାମ ପରିବର୍ତ୍ତନ କରିବାର ଆର୍ଥିକ ବୋଝ ଉପରେ ଇଙ୍ଗିତ କରିଥିଲେ । ସେ ଆହୁରି କହିଥିଲେ, କାର୍ଯ୍ୟାଳୟଠାରୁ ଷ୍ଟେସନାରୀ ପର୍ଯ୍ୟନ୍ତ ସବୁକିଛିର ନାମ ପରିବର୍ତ୍ତନ କରିବାକୁ ପଡିବ । ଏହା ଏକ ବଡ ବ୍ୟୟବହୁଳ ପ୍ରକ୍ରିୟା ।