ଡିଭାଇଡ଼ରରେ ପିଟିହେଲା ବାଇକ: ଜଣେ ମୃତ

ନୂଆଦିଲ୍ଲୀ: ସୋମବାର ତେଲେଙ୍ଗାନାର ମାଞ୍ଚେରିଆଲ୍ ଜିଲ୍ଲାରୁ ଏକ ଭୟଙ୍କର ଘଟଣା ସାମ୍ନାକୁ ଆସିଛି, ଯେଉଁଠାରେ ଏକ ଦ୍ରୁତ ଗତିରେ ଯାଉଥିବା ବାଇକ୍ ଏକ ଫ୍ଲାଏଓଭରର ଡିଭାଇଡର୍ ସହିତ ଧକ୍କା ଖାଇଥିଲା। ଏହି ଘଟଣା କ୍ୟାମେରାରେ କଏଦ ହୋଇଥିଲା ଏବଂ ନାଟକୀୟ ଭିଡିଓ ଅନଲାଇନରେ ପ୍ରକାଶ ପାଇଛି। ଘଟଣା ସମୟରେ, ବାଇକ୍ ରେ ଦୁଇଜଣ ଯାତ୍ରା କରୁଥିଲେ।ଘଟଣାସ୍ଥଳରେ ହିଁ ଯୁବକଙ୍କ ମଧ୍ୟରୁ ଜଣେ ମୃତ୍ୟୁବରଣ କରିଥିଲେ। ତେଲୁଗୁ ସ୍କ୍ରିବ୍ ରିପୋର୍ଟ କରିଛି ଯେ ମୃତକଙ୍କ ନାମ 29 ବର୍ଷୀୟ କୋଣ୍ଡାପର୍ଥି ସନ୍ଦୀପ। ଅନ୍ୟପକ୍ଷରେ, 26 ବର୍ଷୀୟ ମିଟାପେଲି ସୁମନ ନାମକ ଅନ୍ୟ ଜଣେ ଯୁବକ ଗୁରୁତର ଆହତ ହୋଇଛନ୍ତି।ଘଟଣାଟି ରବିବାର ରାତି ପ୍ରାୟ ୧୧:୫୭ ସମୟରେ ଘଟିଥିଲା। ପ୍ରଚଣ୍ଡ ଶବ୍ଦ ଶୁଣି ରାସ୍ତା ପାର ହେଉଥିବା ଲୋକମାନେ ତୁରନ୍ତ ଘଟଣାସ୍ଥଳକୁ ଦୌଡ଼ି ଆସିଥିଲେ।ଏହା ପରେ ପୋଲିସକୁ ସୂଚନା ଦିଆଯାଇଥିଲା। ପୋଲିସ ସୁମନଙ୍କୁ ତୁରନ୍ତ ଏକ ସରକାରୀ ହସ୍ପିଟାଲକୁ ନେଇଯାଇଥିବା ଜଣାପଡ଼ିଛି ଯେଉଁଠାରେ ସେ ବର୍ତ୍ତମାନ ଚିକିତ୍ସାଧୀନ ଅଛନ୍ତି।