ବିଗବସ୍ ୧୮ର ବିଜେତା କରଣଭୀର ମେହେରା

ନୂଆଦିଲ୍ଲୀ: ଦୀର୍ଘ ତିନି ମାସର ଜବରଦସ୍ତ ଜର୍ଣ୍ଣୀ ପରେ ଶେଷ ହୋଇଛି ବିଗବସ୍ ୧୮ । ହୋଷ୍ଟ ସଲମାନ ଖାନ ସମସ୍ତ ଶ୍ରେଷ୍ଠ ଛଅ ଫାଇନାଲିଷ୍ଟଙ୍କ ପରିବାରର ଭାବପ୍ରବଣ ବାର୍ତ୍ତା ସହିତ ଗ୍ରାଣ୍ଡ ଫିନାଲେ ଆରମ୍ଭ କରିଥିଲେ । ଭିଭିଆନ୍ ଡିସେନା, କରଣଭୀର ମେହେରା, ଅବନୀଶା ମିଶ୍ରା, ରଜତ ଦଲାଲ, ଚୁମ୍ ଦରାଙ୍ଗ ଏବଂ ଇଶା ସିଂ ଫାଇନାଲରେ ଥିଲେ । ଫାଇନାଲିଷ୍ଟ ଏବଂ ଅନ୍ୟାନ୍ୟ ପ୍ରତିଯୋଗୀଙ୍କ ଦ୍ୱାରା କିଛି ନୃତ୍ୟ ପ୍ରଦର୍ଶନ ପରେ, ଏଲିମିନେସନର କ୍ରମ ଆରମ୍ଭ ହୋଇଥିଲା । ଶେଷରୁ ଚାରି ଜଣ ଏଲିମିନେଟ ହେବ ପରେ ଦୁଇ ଶ୍ରେଷ୍ଠ ଫାଇନାଲିଷ୍ଟ କରଣଭୀର ମେହେରା ଓ ଭିଭିଆନ୍ ଡିସେନାଙ୍କ ମଧ୍ୟରେ ପ୍ରତିଯୋଗିତା ଚାଲିଥିଲା । ଶେଷରେ କରଣଭୀର ମେହେରାଙ୍କୁ ସଲମାନ ଖାନ ବିଜେତା ଘୋଷଣା କରିଛନ୍ତି । ଦର୍ଶକଙ୍କ ଭୋଟ୍ ଆଧାରରେ ବିଜେତା ବଛାଯାଇଥିଲା । ବିଗବସ୍ ୧୮ ବିଜେତା ଭାବରେ କରଣ ୫୦ ଲକ୍ଷ ଟଙ୍କାର ନଗଦ ପୁରଷ୍କାର ଏବଂ ବିଗବସ୍ ଘରର ବିଳାସପୂର୍ଣ୍ଣ ଭିତର ସାଜସଜ୍ଜା ସହିତ ମେଳ ଖାଉଥିବା ଏକ ସମ୍ପୂର୍ଣ୍ଣ ନୂତନ ସୁବର୍ଣ୍ଣ ଟ୍ରଫି ସହିତ ବିଦାୟ ନେଇଛନ୍ତି ।