ବାଲେଶ୍ୱର: ବିଦ୍ୟୁତ ଆଘାତରେ ଭାଲୁର ମୃତ୍ୟ । ଖାଦ୍ୟ ଅନ୍ବେଷଣରେ ଆସି ଟ୍ରାନ୍ସଫର୍ମରରେ ଚଢିଯାଇଥିଲା ଭାଲୁ । ସେଠାରେ ବସିରହିଥିବା ବେଳେ ବିଦ୍ୟୁତ ଆଘାତ ଲାଗି ଭାଲୁଟିର ମୃତ୍ୟୁ ହୋଇଯାଇଥିଲା । ନୀଳଗିରି ବନବିଭାଗ ମିତ୍ରପୁର ବିଟ୍ ତଇଲା ସାହିରେ ଘଟିଛି ଘଟଣା । ଖବର ପାଇ ବିଦ୍ୟୁତ ବିଭାଗ ଆସି ଭାଲୁଟିକୁ ଟ୍ରାନ୍ସଫର୍ମରୁ କାଢିଥିବା ବେଳେ ବନବିଭାଗକୁ ହସ୍ତାନ୍ତର କରାଯାଇଛି । ତେବେ ବିଳମ୍ବିତ ରାତିରେ ସ୍ବର୍ଣ୍ଣଚୂଡ ପାହାଡ ପାଦଦେଶରୁ ଭାଲୁଟି ଖାଦ୍ୟ ଅନ୍ବେଷଣରେ ଆସି ତଇଲାସାହିରେ ପଶିଥିଲା । ଗାଁର ଏକ ବରଗଛରେ ମହୁ ଖାଇବା ଉଦ୍ଦେଶ୍ୟରେ ଭାଲୁଟି ଚଢିଥିବା ବେଳେ ୩୩ କେଭି ବିଦ୍ୟୁତ ଟ୍ରାନ୍ସଫର୍ମରେ ସଂଶ୍ପର୍ଶରେ ଆସିଥିଲା । ଫଳରେ ବିଦ୍ୟୁତ ଆଘାତ ରେ ଭାଲୁର ମୃତ୍ୟ ହୋଇଯାଇଥିଲା ।
