ବିଡିଓଙ୍କୁ ଦୁର୍ବ୍ୟବହାର: ବ୍ଲକରେ ତାଲା ପକାଇଲେ ଅଧିକାରୀ

କେନ୍ଦ୍ରାପଡା: ରାଜନଗର ବିଡିଓଙ୍କୁ କାର୍ଯ୍ୟାଳୟରେ ଦୁର୍ବ୍ୟବହାର ଓ ଆକ୍ରମଣ ଉଦ୍ୟମ ଘଟଣା ଥମିବାର ନାଁ ନେଉନି । ଆଜି ରାଜନଗର ବ୍ଲକ କାର୍ଯ୍ୟାଳୟରେ ତାଲା ପକାଇ ଆନ୍ଦୋଳନ କରୁଛନ୍ତି ବ୍ଲକର ସମସ୍ତ ସରପଞ୍ଚ ଓ ସମିତିସଭ୍ୟ । ଓଏଏସ୍ ସଂଘ ବି କାର୍ଯ୍ୟାନୁଷ୍ଠାନ ପାଇଁ ଜିଦ୍ ଧରିଛି । ବ୍ଲକରେ କାର୍ଯ୍ୟବନ୍ଦ କରିଛନ୍ତି ଅଧିକାରୀ । ଫଳରେ ରାଜନଗର ବ୍ଲକରେ ଏକପ୍ରକାର ଅଚଳାବସ୍ଥା ସୃଷ୍ଟି ହୋଇଛି । ଏହି ଘଟଣାରେ ରାଜନଗର ବ୍ଲକ ଅଧ୍ୟକ୍ଷା ପ୍ରତିଭା ପାତ୍ର, ବିଜେପି ନେତା ଲଳିତ ବେହେରାଙ୍କ ନାଁରେ ଏତଲା ଦେଇଥିଲେ । ଏହାପରେ ପୋଲିସ ମାମଲା ରୁଜୁ କରିଛି। କିନ୍ତୁ ଏପର୍ଯ୍ୟନ୍ତ ଗିରଫ ହୋଇନାହାନ୍ତି ସମ୍ପୃକ୍ତ ବିଜେପି ନେତା ଲଳିତ ବେହେରା । ଯାହାକୁ ନେଇ ବିବାଦ ବଢିବାରେ ଲାଗିଛି । ସେପଟେ ରାଜନଗର ବିଡିଓ ଛୁଟିରେ ଯାଇଛନ୍ତି । ଏ ସମ୍ପର୍କରେ ଲିଖିତ ଭାବେ କେନ୍ଦ୍ରାପଡ଼ା ଜିଲ୍ଲାପାଳଙ୍କୁ ଜଣାଇଛନ୍ତି ବିଡିଓ ।