ବଲାଙ୍ଗିର : ବଲାଙ୍ଗିର ଶିଶୁ ବିକ୍ରି ଘଟଣାରେ ପୋଲିସ ୩ଜଣଙ୍କୁ ଗିରଫ କରିଛି । ପୋଲିସ ସମସ୍ତଙ୍କୁ ଆଜି କୋର୍ଟ ଚାଲାଣ କରାଯିବ । ଏଏନଏମ ମମତା ଭୋଇ , ଆଲୋକ ଅଗ୍ରଫ୍ୱାଲ ଓ ଶିଶୁକୁ କିଣିଥିବା ରାଜକୁମାର ମିତ୍ତଲଙ୍କୁ ଗିରଫ କରିଛି । ସବୁଠୁ ବଡ କଥା ଏଏନଏମ ମମତା ୨୦୧୯ରେ ରାଷ୍ଟ୍ରପତିଙ୍କ ଠାରୁ ନାଇଟିଙ୍ଗଲ ପୁରସ୍କାର ପାଇଥିଲେ । ତଦନ୍ତରୁ ଜଣାପଡିଛି ଯେ, ଗରିବ ହୋଇଥିବାରୁ ତାର ମା ବାପା ମିତ୍ତଲଙ୍କୁ ବିକି ଦେଇଥିଲେ । ଏଏନଏମ ମମତା ଭୋଇ ସେହି ମହିଳାଙ୍କ ଅସହାୟତାର ଫାଇଦା ନେଇ ଶିଶୁକୁ ବିକ୍ରି କରିବାକୁ ଯୋଜନା କରିଥିଲେ । ଲକ୍ଷାଧିକ ଟଙ୍କାର ଡିଲ ହୋଇଥିଲା । ଘଟଣା ଜଣା ପଡିବା ପରେ ଗତ ୧୩ ତାରିଖରେ ଜିଲ୍ଲା ଶିଶୁ ସୁରକ୍ଷା କମିଟି ତଦନ୍ତ ଆରମ୍ଭ କରିଥିଲା ।
