ବାବୁଙ୍କ ସମ୍ପତ୍ତି ଜାଣିଲେ ଆଖି ଟେରା ହେଇଯିବ

ଭୁବନେଶ୍ୱର: ଇଡକୋ ଜୁନିଅର ମ୍ୟାନେଜରଙ୍କ ସମ୍ପତ୍ତି ତାଲିକା ଦେଲା ଭିଜିଲାନ୍ସ । ଜୁନିଅର ମ୍ୟାନେଜର ବିଜୟ ଉଦୟସିଂହଙ୍କ ଅଛି ୪ ମହଲା କୋଠା । ଭୁବନେଶ୍ୱରରେ ଅଛି ୪ ମହଲା କୋଠା , ମୂଲ୍ୟ ୩ କୋଟି ୨୨ ଲକ୍ଷ । ପୁରୀରେ ଅଛି ଗୋଟିଏ ଫ୍ଲାଟ , ଭୁବନେଶ୍ୱର ଓ ଖୋର୍ଦ୍ଧାରେ ୩ ଟି ଘର। ଭୁବନେଶ୍ୱର ୨ ଟି ଓ ଖୋର୍ଦ୍ଧାରେ ଗୋଟିଏ ଘର ଠାବ। ୩୩ ଲକ୍ଷ ବ୍ୟାଙ୍କ ଜମା ସହ ନଗତ ସାଢେ ୪ ଲକ୍ଷ ଟଙ୍କା ଜବତ। ଭିଜିଲାନ୍ସ ଜାଲରେ ଫସିଛନ୍ତି ଇଡକୋ ଜୁନିୟର ମ୍ୟାନେଜର ବିଜୟ କୁମାର ଉଦୟ ସିଂ । ଆୟର୍ହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ସମୁଦାୟ ୬ଟି ସ୍ଥାନରେ ଚଢାଉ ଚାଲିଛି । ଆଜି ଭୋର ୪ଟାରେ ଏହି ଟଢାଉ ଆରମ୍ଭ ହୋଇଛି । ଭୁବନେଶ୍ୱର ରାଜାରାଣୀ ଅଞ୍ଚଳରେ ଥିବା ଘର, ସାମନ୍ତାପୁରରେ ଥିବା ସଂପର୍କୀୟଙ୍କ ଘରେ ତଥା ଖୋଦ୍ଧା ଓ ପୁରୀର ୬ଟି ସ୍ଥାନରେ ଏକକାଳୀନ ରେଡ ଚାଲିଛି । ଏଥିସହ ଟିମ ସଦସ୍ୟ ବିଭିନ୍ନ ସ୍ଥାନରେ ଥିବା ତାଙ୍କ ଜମାପୁଞ୍ଜିର ବି ଖୋଳତାଡ କରୁଛନ୍ତି । ଗତ ୪ମାସରେ ଭିଜିଲାନ୍ସ ବିଭାଗ ପକ୍ଷରୁ ହୋଇଥିବା ଚଢାଉରେ ୭ ଇଞ୍ଜିନିୟରଙ୍କ ଘରୁ ପୁଳାପୁଳା ପ୍ଲଟ ଓ କେଜି କେଜି ସୁନା ଜବତ କରାଯାଇଛି । ଏହା ଦେଖି ସାଧାରଣ ଲୋକଙ୍କୁ ଦୋରଦାର ଝଟକା ଲାଗିଛି ।