ସିଧା ବିମାନ ଥିବାରୁ ରାସ୍ତାବାଟେ ଆଣିଲୁ : ସୁରେଶ ପୂଜାରୀ

ଭୁବନେଶ୍ୱର : କେରଳ ୱାୟନାଡରେ ମୃତ ଡାକ୍ତର ବିଷ୍ଣୁପ୍ରସାଦ ଚିନାରାଙ୍କ ମୃତଦେହ ରାସ୍ତାବାଟେ ଅଣାଯିବା ଘଟଣା ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ନିଜର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ ସିଧା ବିମାନ ଥିବାରୁ ରାସ୍ତାବାଟେ ଆଣିଲୁ । ଓଡ଼ିଶାରୁ କୋଚିକୁ ସିଧାସଳଖ ବିମାନ ସୁବିଧା ନାହିଁ । ୱାୟନାଡରୁ ୯୦ କିମି କୋଚିକୁ ରାସ୍ତାବାଟେ ମୃତହେଦଉକୁ ଆଣିବାକୁ ପଡ଼ିଥାନ୍ତା । କୋଚିରୁ ବେଙ୍ଗାଲୁରୁ ଆଣି ସେଠାରୁ ପୁଣି ଏକ ଫ୍ଲାଇଟରେ ଆଣିବାକୁ ପଡ଼ିଥାନ୍ତା । ସେଥିପାଇଁ ମୃତଦେହକୁ ଆମ୍ବୁଲାନ୍ସ ଜରିଆରେ ସଡ଼କ ପଥରେ ଅଣାଯାଉଛି । ଯେଉଁଥିରେ ୩୦ ଘଣ୍ଟା ଲାଗିବ । ମୃତ ଡାକ୍ତରଙ୍କ ପତ୍ନୀ ଡିସଚାର୍ଜ ପରେ ପରିବାର ଲୋକଙ୍କ ସହ ଫେରୁଛନ୍ତି । ଝାରସୁଗୁଡ଼ାର ଡାକ୍ତର ସ୍ୱୀକୃତି ମହାପାତ୍ରଙ୍କ ଚିକିତ୍ସା ଜାରି ରହିଛି । ଫୁସଫୁସରେ ପଶିଥିବା ମାଟି ଓ କାଦୁଅ ୯୫ ପ୍ରତିଶତ କଢ଼ାଯାଇଛି । ନିଖୋଜ ଡାକ୍ତର ସ୍ୱାଧୀନ ପଣ୍ଡାଙ୍କୁ ତଲାସ ଉଦ୍ୟମ ଜାରି ରହିଛି ବୋଲି ରାଜସ୍ୱ ମନ୍ତ୍ରୀ ସୁରେଶ ପୂଜାରୀ କହିଛନ୍ତି ।