ଲଦାଖ : ଚୀନ ସୀମା ସଂଲଗ୍ନ ଲଦାଖରେ ବନ୍ୟାଜଳରେ ସେନାର ଏକ ଟ୍ୟାଙ୍କ ଭାସିଯିବା ଫଳରେ ୫ ଜଣ ଯବାନ ଶହୀଦ ହୋଇଛନ୍ତି । ଶହୀଦଙ୍କ ମଧ୍ୟରେ ଜଣେ ଜୁନିଅର କମିଶନଡ ଅଫିସର ମଧ୍ୟ ଅଛନ୍ତି । ଆଜି ଭୋର ପ୍ରାୟ ୩ଟା ସମୟରେ ଏହି ଅଘଟଣ ଘଟିଛି ।
ଦୌଲତ ବେଗ ଓଲଡି ଏରିଆରେ ଥିବା ଏକ ଶୁଖିଲା ନଦୀକୁ ସେନାର ଟି-୭୨ ଟ୍ୟାଙ୍କ ଅତିକ୍ରମ କରିବା ବେଳେ ହଠାତ ନଦୀର ଜଳସ୍ତର ବୃଦ୍ଧି ପାଇଥିଲା । ଫଳରେ ଟ୍ୟାଙ୍କଟି ଭାସିଯାଇଥିଲା । ସେଥିରେ ଥିବା ଜଣେ କନିଷ୍ଠ ସେନାଧିକାରୀଙ୍କ ସମେତ ମୋଟ ୫ଜଣ ଯବାନ ଶହୀଦ ହୋଇଥିବା ଜଣାପଡିଛି । ଶହୀଦ ଯବାନଙ୍କ ପରିଚୟ ସ୍ପଷ୍ଟ ହୋଇନି ।