ଅହମ୍ମଦାବାଦ: ଗୁଜୁରାଟର ଆତଙ୍କବାଦ ବିରୋଧୀ ଦଳ (ଏଟିଏସ) ପୁଣି ଥରେ ଦେଶର ସୁରକ୍ଷା ସହ ଖେଳୁଥିବା ଜଣେ ଗୁପ୍ତଚରଙ୍କୁ ଭାରତ-ପାକିସ୍ତାନର କଚ୍ଛ ସୀମାରୁ ଧରାଯାଇଛି । ରିପୋର୍ଟ ଅନୁଯାୟୀ, ଅଭିଯୁକ୍ତଙ୍କ ନାମ ସହଦେବ ସିଂହ ଗୋହିଲ । ଗୋହଲି ପାକିସ୍ତାନ ସହ ବିଏସଏଫ ଏବଂ ଭାରତୀୟ ବାୟୁସେନାର ଗୁପ୍ତ ସୂଚନା ସେୟାର କରୁଥିଲେ । ପ୍ରାଥମିକ ତଦନ୍ତରୁ ଜଣାପଡିଛି ଯେ ସେ ପାକିସ୍ତାନକୁ ଭାରତର ସମ୍ବେଦନଶୀଳ ସୂଟନା ପ୍ରଦାନ କରୁଥିଲେ । ଏହି ଗିରଫଦାରୀ ପରେ, ଅଭିଯୁକ୍ତକୁ ଅହମଦାବାଦକୁ ଅଣାଯାଇଛି, ଯେଉଁଠାରେ ତାକୁ ଘନ ଘନ ପଚରାଉଚରା କରାଯାଉଛି । ସୂତ୍ର ଅନୁଯାୟୀ, ଅଭିଯୁକ୍ତ ଜଣକ ଦୀର୍ଘର୍ ସମୟ ଧରି ପାକିସ୍ତାନର ଗୁଇନ୍ଦା ସଂସ୍ଥା ସହିତ ଯୋଗାଯୋଗରେ ଥିଲେ ଏବଂ ସେମାନଙ୍କୁ ସୀମା ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ ସୂଚନା ପଠାଉଥିଲେ । ଏହା ପ୍ରଥମ ଘଟଣା ନୁହେଁ, ଏହା ପୂର୍ବରୁ ମଧ୍ୟ ପୋରବନ୍ଦର ଅଞ୍ଚଳରୁ ଜଣେ ଗୁପ୍ତଚରଙ୍କୁ ଗିରଫ କରାଯ୍ଧବଥିଲା । ନିରନ୍ତର ଘଟୁଥିବା ଏହି ଘଟଣାଗୁଡିକ ସୁରକ୍ଷା ଏଜେନ୍ସିଗୁଡିକର ଚିନ୍ତାକୁ ବଢାଇ ଦେଇଛି ।
ସୂଚନାଯୋଗ୍ୟ ଯେ ଗତ କିଛି ମାସ ମଧ୍ୟରେ ଭାରତ ଏବଂ ପାକିସ୍ତାନ ମଧ୍ୟରେ ବଢ଼ୁଥିବା ଉତ୍ତେଜନା ମଧ୍ୟରେ ଦେଶର ବିଭିନ୍ନ ସୀମାନ୍ତ ଅଞ୍ଚଳରୁ ୧୨ ରୁ ୧୩ ଜଣ ଗୁପ୍ତଚର ଧରାପଡ଼ିଛନ୍ତି। ସମସ୍ତ ମାମଲାରେ ସମାନ ପ୍ରକାରର ଉଦାହରଣ ପରିଲକ୍ଷିତ ହୋଇଛି। ସମସ୍ତ ଗିରଫ ଅଭିଯୁକ୍ତମାନଙ୍କର ପାକିସ୍ତାନର ଗୁଇନ୍ଦା ସଂସ୍ଥା ଆଇଏସଆଇ ସହିତ ସମ୍ପର୍କ ଥିବା ଜଣାପଡିଛି। ଗୁଜରାଟରେ ଆଉ ଜଣେ ଗୁପ୍ତଚରଙ୍କ ଗିରଫଦାରୀ ସୂଚାଇ ଦେଉଛି ଯେ ପାକିସ୍ତାନ ପକ୍ଷରୁ ଏହାର ଗୁପ୍ତଚର ନେଟୱାର୍କକୁ ପୁନଃ ସକ୍ରିୟ କରିବା ପାଇଁ ପ୍ରୟାସ ଚାଲିଛି। ଏଟିଏସ କହିଛି ଯେ ମାମଲାର ତଦନ୍ତ ବର୍ତ୍ତମାନ ଚାଲିଛି ଏବଂ ଅଭିଯୁକ୍ତଙ୍କ ବିଷୟରେ ବିସ୍ତୃତ ସୂଚନା ଖୁବ୍ ଶୀଘ୍ର ଏକ ସାମ୍ବାଦିକ ସମ୍ମିଳନୀରେ ପ୍ରଦାନ କରାଯିବ। ସୁରକ୍ଷା ଏଜେନ୍ସିଗୁଡ଼ିକ ବିଶ୍ୱାସ କରନ୍ତି ଯେ ଏହି ନେଟୱାର୍କ ପଛରେ ଏକ ବଡ଼ ଷଡ଼ଯନ୍ତ୍ର ଥାଇପାରେ; ଏହାକୁ ସମୟ ମଧ୍ୟରେ ପ୍ରକାଶ କରିବା ପାଇଁ ପ୍ରୟାସ ତୀବ୍ର କରାଯାଇଛି। ଏହି ସମୟରେ, ସୀମାବର୍ତ୍ତୀ ଅଞ୍ଚଳରେ ସତର୍କତା ବୃଦ୍ଧି କରାଯାଇଛି ଏବଂ ଅନ୍ୟାନ୍ୟ ସନ୍ଦେହଜନକ କାର୍ଯ୍ୟକଳାପ ଉପରେ ମଧ୍ୟ ନଜର ରଖାଯାଇଛି।
