ବାଂଲାଦେଶ: ଆଜି ବାଂଲାଦେଶରେ ପୁଣି ଥରେ ଭୂମିକମ୍ପ ଝଟକା ଅନୁଭୂତ ହୋଇଛି। ସୂଚନା ଅନୁଯାୟୀ, ଗୋଟିଏ ସେକେଣ୍ଡ ମଧ୍ୟରେ ଦୁଇଟି ଭୂମିକମ୍ପ ହୋଇଥିଲା, ଏହାକୁ ବିଏମଡି ଦ୍ୱାରା ନିଶ୍ଚିତ କରାଯାଇଥିଲା । ଗୋଟିଏ ସେକେଣ୍ଡ ମଧ୍ୟରେ ଦୁଇଟି ଭୂମିକମ୍ପ ହୋଇଥିଲା। ବିଏମଡି ଅନୁଯାୟୀ, ଭୂମିକମ୍ପର ତୀବ୍ରତା ୩.୭ ଏବଂ ୪.୩ ଥିଲା। କିନ୍ତୁ ୟୁଏସଜିଏସ୍ ସମେତ ଅନ୍ୟାନ୍ୟ ସଂସ୍ଥା କେବଳ ଗୋଟିଏ ଭୂମିକମ୍ପ ରିପୋର୍ଟ କରିଛନ୍ତି। ବାଂଲାଦେଶ ପାଣିପାଗ ବିଭାଗର ଭୂମିକମ୍ପ ପର୍ଯ୍ୟବେକ୍ଷଣ ଏବଂ ଗବେଷଣା କେନ୍ଦ୍ର ଶନିବାର ସକାଳ ୧୦:୩୬ରେ ଢାକାର ଆଶୁଲିଆର ବାଇପାଇଲରେ ରିକ୍ଟର ସ୍କେଲରେ ୩.୩ ତୀବ୍ରତାର ଭୂମିକମ୍ପ ରେକର୍ଡ କରିଛି। ଭୂମିକମ୍ପ ମନିଟରିଂ ଏବଂ ଗବେଷଣା କେନ୍ଦ୍ରର ଅଧିକାରୀ ନିଜାମୁଦ୍ଦିନ ଅହମ୍ମଦ ଏହା ନିଶ୍ଚିତ କରିଛନ୍ତି। ଏହି ଭୂମିକମ୍ପ ଯୋଗୁଁ କୌଣସି କ୍ଷୟକ୍ଷତି କିମ୍ବା ମୃତାହତର ରିପୋର୍ଟ ହୋଇନାହିଁ। ଗତକାଲି, ବାଂଲାଦେଶରେ ୫.୭ ତୀବ୍ରତାରେ ଘଟିଥିବା ଭୂମିକମ୍ପରେ ମୃତ୍ୟୁ ସଂଖ୍ୟା ୯କୁ ବୃଦ୍ଧି ପାଇଛି, ୧୦୦ ରୁ ଅଧିକ ଆହତ ହୋଇଛନ୍ତି।
