ବାଲିଯାତ୍ରାକୁ ଆସିବେ ୧୩ ରାଷ୍ଟ୍ରର ରାଷ୍ଟ୍ରଦୂତ

କଟକ: ଆସନ୍ତା କାଲିଠାରୁ ୨୨ ତାରିଖ ଯାଏଁ ଚାଲିବ ଐତିହାସିକ ବାଲିଯାତ୍ରା ମେଳା। ବାଲିଯାତ୍ରା ପ୍ରସ୍ତୁତି ଓ ବ୍ୟବସ୍ତା ନେଇ କଟକ ଜିଲ୍ଲାପାଳଙ୍କ ପ୍ରେସମିଟ । କାଲି ସନ୍ଧ୍ୟା ୫ ଟାରେ ବାଲିଯାତ୍ରା ମେଳାକୁ ଉଦଘାଟନ କରିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ୧୩ ଟି ରାଷ୍ଟ୍ରର ରାଷ୍ଟ୍ର ଦୂତ, ହାଇକମିଶନର ସାମିଲ ହେବେ। ପ୍ରତିଦିନ ଗୋଟିଏ ଗୋଟିଏ ଦେଶର କଳାକାର ପରଫମ କରିବେ। ଚଳିତ ବର୍ଷ କଟକ ଇନ କଟକରେ ରହିବ ଓଡ଼ିଆ ଅସ୍ମିତା ଓ ସିନେମା । ଫିଲ୍ମ ଫେଷ୍ଟିଭାଲ ଚାଲିବ, ୩ ଟି ସୋ ରେ ପୁରୁଣା ଓଡ଼ିଆ ଚଳଚ୍ଚିତ୍ର ପ୍ରଦର୍ଶିତ ହେବ। ଓଡିଶାର ବିଭିନ୍ନ ପିଠା ସହ ଅନ୍ୟ ଦେଶର ପିଠା ଷ୍ଟଲ ଲାଗିବ । ଭିଡକୁ ଦୃଷ୍ଟିରେ ରଖି ତଳ ଓ ଉପର ପଡିଆ ୪ ଟି ଗେଟ କରାଯାଇଛି । ବୟୋଜ୍ୟେଷ୍ଠ ବ୍ୟକ୍ତିଙ୍କ ପାଇଁ ଇ ରିକ୍ସା ବ୍ୟବସ୍ତା କରାଯାଇଛି। ରିଂ ରୋଡ଼ ରେ କେହି ଉଠା ଦୋକାଦି ରହି ପାରିବେନି ବୋଲି ଜିଲ୍ଲାପାଳ ସୂଚନା ଦେଇଛନ୍ତି।