ନୂଆଦିଲ୍ଲୀ: ଅଗ୍ରଣୀ ଇ-କମର୍ସ ପୋର୍ଟାଲ୍ ଆମାଜନ, ଏହାର ନୂତନତମ ଡ୍ରୋନ୍-ଆଧାରିତ ଡେଲିଭରି ସିଷ୍ଟମ୍ “ପ୍ରାଇମ୍ ଏୟାର” ଆରମ୍ଭ କରି ସ୍ମାର୍ଟ ଲଜିଷ୍ଟିକ୍ସରେ ପ୍ରବେଶ କରିଛି। ଏହି ନୂତନ ସେବାର ଲକ୍ଷ୍ୟ ହେଉଛି ଡେଲିଭରି ସମୟକୁ ହ୍ରାସ କରିବା। ଏହି ସେବା ଆଇଫୋନ ଏବଂ ଅନ୍ୟାନ୍ୟ ଇଲେକ୍ଟ୍ରୋନିକ୍ସ ପରି ଗ୍ୟାଜେଟ୍ ବିତରଣ କରିବାର ଉପାୟକୁ ପରିବର୍ତ୍ତନ କରିବାକୁ ପ୍ରସ୍ତୁତ। ଟେକ୍ସାସ ଏବଂ ଆରିଜୋନା ଭଳି କିଛି ନିର୍ଦ୍ଦିଷ୍ଟ ଆମେରିକୀୟ ସହରଗୁଡ଼ିକର ଗ୍ରାହକମାନେ ଏବେ ଅତ୍ୟଧିକ ଦ୍ରୁତ ଡେଲିଭରି ଉପଭୋଗ କରିପାରିବେ। ଆଇଫୋନ, ସାମ୍ସଙ୍ଗ ଗାଲାକ୍ସି ଫୋନ୍, ଏୟାରପଡସ୍, ଏୟାରଟ୍ୟାଗ୍, ସ୍ମାର୍ଟ ରିଙ୍ଗ ଏବଂ ଭିଡିଓ ଡୋରବେଲ୍ ଭଳି ଉତ୍ପାଦଗୁଡ଼ିକ ଏବେ ଆମାଜନ୍ର ନୂତନ ଏମକେ୩୦ ଡ୍ରୋନ୍ ବ୍ୟବହାର କରି ବିତରଣ କରାଯାଇପାରିବ। ଏହି ଡ୍ରୋନ୍ଗୁଡ଼ିକ ଗୋଟିଏ ଘଣ୍ଟା ମଧ୍ୟରେ ତ କେତେବେଳେ ମାତ୍ର ୧୦ ମିନିଟରେ ବିତରଣ ସୁନିଶ୍ଚିତ କରେ।
ଏମକେ୩୦ ଡ୍ରୋନଗୁଡ଼ିକ ଆପଣଙ୍କ ଘର ପାଖରେ ଥିବା ଖୋଲା ସ୍ଥାନ ପରି ଏକ ସୁରକ୍ଷିତ ଅବତରଣ ସ୍ଥାନକୁ ସ୍କାନ କରିବା ପାରିବାର ପ୍ରୋଗ୍ରାମ ରହିଛି। ସେମାନେ ପ୍ରାୟ ୧୩ ଫୁଟ ଉଚ୍ଚତାରେ ଉଡ଼ି ପ୍ୟାକେଜକୁ ଧୀରେ ଧୀରେ ପକାନ୍ତି। ପୂର୍ବରୁ, ଡ୍ରୋନଗୁଡ଼ିକ ଡେଲିଭରି ସ୍ଥାନ ଖୋଜିବା ପାଇଁ କ୍ୟୁଆର କୋଡ୍ ଉପରେ ନିର୍ଭର କରୁଥିଲେ, କିନ୍ତୁ ବର୍ତ୍ତମାନ ଅନବୋର୍ଡ ସିଷ୍ଟମ ବୁଦ୍ଧିମତା ସହିତ ବାହ୍ୟ କୋଡ୍ ବିନା ପ୍ୟାକେଜକୁ କେଉଁଠାରେ ଛାଡିବେ ତାହା ଚିହ୍ନଟ କରିପାରିବେ।
