ହୃଦୟରେ କାହା ପ୍ରତି ଭଲ ଭାବନା ସୃଷ୍ଟି ହେଲେ ସେ ଆପଣାର ହୁଏ…କିନ୍ତୁ
ଯଦି ଭାବନା ରେ ଆଘାତ ଲାଗେ ତେବେ ରକ୍ତ ସମ୍ପର୍କୀୟ ବି ଦୂରେଇ ଯାଏ..,
ଆଦର କଲେ ପରବି ଆପଣାର ହୋଇଥାଏ…!
ଶିକ୍ଷିତ ହେବାର ମାନେ ନୁହେଁ ଯେ କୌଣସି ସ୍କୁଲ୍ କଲେଜରୁ ପଢି ବହୁତ ନମ୍ବର ରଖି କାହାକୁ ପ୍ରମାଣ ଦେବା,ପ୍ରକୃତ ଶିକ୍ଷିତ ହେବାର ଅର୍ଥ ତ ନିଜ ଜୀବନରେ ଆମର କଥା କହିବାର ଶୈଳୀ,ଆମର ବ୍ଯବହାର,ଆମର ଭାଷା,ଆମର ଚିନ୍ତାଧାରା କେତେ ମାର୍ଜିତ ।
ଆମେ କେତେ ଭୁଲ୍ କେତେ ଠିକ୍ କେବଳ ଦୁଇ ଜଣ ଜାଣନ୍ତି – “ପରମାତ୍ମା ” ଓ “ଅନ୍ତରାତ୍ମା” ।
ସବୁବେଳେ ନିଜ କଥାରେ ମଧୁରତା ରଖ , ଦେଖିବ ତୁମକୁ ଖରାପ ବ୍ୟବହାର ଦେଉଥିବା ମଣିଷ ବି ଭଲ ବ୍ୟବହାର ଓ ଉଚିତ୍ ସମ୍ମାନ ଦେବାକୁ ବାଧ୍ୟ ହେବେ ।
ସଫଳତାର ପ୍ରଥମ ପାହାଚ ହେଉଛି Self confidence.
ଶାନ୍ତିରେ ରହିବାକୁ ହେଲେ ଦୁଇଟି ରୋଟି, ଦୁଇ ଯୋଡ଼ି କପଡ଼ା ଓ ଗୋଟେ ଘର ହେଲେ ଚଳିବ….
ଆଉ ଅଶାନ୍ତିର ରହିବାକୁ ହେଲେ ଚାରୋଟି କାର, ଅନେକ ବଙ୍ଗଳା ଓ ଗଦା ଗଦା ଟଙ୍କା ବି କମ ପଡି ଯିବ
ମନେରଖନ୍ତୁ, ଏହି ପୃଥିବୀ ଏକ ବିଶାଳ ରଙ୍ଗମଞ୍ଚ। ଏଠି ଆମକୁ ନିଜ ଭାଗ୍ୟର ମଞ୍ଜିକୁ ଶ୍ରେଷ୍ଠ କର୍ମ ଆଧାରରେ ନିଜେ ପୋତିବାକୁ ହେବ; କାରଣ କେହି ମଧ୍ୟ ଆମ ନିଜ କର୍ମକୁ କରିପାରିବେ ନାହିଁ।
ମନୁଷ୍ୟ ବିଭିନ୍ନ ଭାଷାରେ କମା ଏବଂ ପୂର୍ଣ୍ଣଚ୍ଛେଦ ଦେଇ ଜାଣେ। କିନ୍ତୁ ନକାରାତ୍ମକ ଚିନ୍ତା ଗୁଡ଼ିକରେ ପୂର୍ଣ୍ଣଚ୍ଛେଦ ପକାଇପାରେ ନାହିଁ।
ସମୟର ମହତ୍ତ୍ୱକୁ ଜାଣିଗଲେ, ସମସ୍ତ ପ୍ରାପ୍ତିର ସମ୍ପତ୍ତିରେ ସମ୍ପନ୍ନ ହୋଇଯବ।
“ଉତ୍ଥାନ-ପତନ ଏହା ଜୀବନଯାତ୍ରାର ଏକ ବିଶେଷ ଅବିଭାଜ୍ୟ ଅଂଶ; ସେମାନଙ୍କୁ ଶାନ୍ତି ଆଉ ବିଶାଳ ବୁଦ୍ଧିର ସହିତ ଦେଖିବା ଦ୍ଵାରା ଆପଣ ଅନୁଭବୀ ହୋଇପାରିବେ।
ଜୀବନରେ ଉତ୍ଥାନ-ପତନ ସ୍ୱାଭାବିକ ହୋଇଥାଏ। ଯେତେବେଳେ ଆମେ ସେମାନଙ୍କୁ ଶାନ୍ତିର ସହିତ ଏବଂ ବିଶାଳ ବୁଦ୍ଧିର ଦୃଷ୍ଟିକୋଣରୁ ସ୍ୱୀକାର କରିବା, ତେବେ ସେଥି ପ୍ରତି ଆମର ଅନୁଭବ ବଢ଼େ ଏବଂ ଆତ୍ମା ଶକ୍ତିଶାଳୀ ହୁଏ। ଆପଣ ଆଜି ନିଜ ଅନୁଭବକୁ ଶିଖିବାର ସୁଯୋଗ ଭାବରେ କିଭଳି ନିର୍ମାଣ କରୁଛନ୍ତି?
ଅଦ୍ୟ ଅକ୍ଟୋବର ମାସ ୨୭ ତାରିଖ ୨୦୨୫ ମସିହା (ସୋମବାର)
ଶକାବ୍ଦ -୧୯୪୭
ସମ୍ବତ -୨୦୮୨
ଦିଲ୍ଲୀସ୍ୱରାଦ୍ଧ-୧୪୩୩
ସମ୍ବତ୍ସର-ସିଦ୍ଧାର୍ଥ
କାର୍ତ୍ତିକମାସ- ଶୁକ୍ଳ
ତିଥି-ପଞ୍ଚମୀ ପ୍ରାତଃ ଘ୦୬/୦୫ ଗତେ ଷଷ୍ଠୀ
ନକ୍ଷତ୍ର-ମୂଳା ଦିବା ଘ୦୨/୧୩ ଗତେ ପୂର୍ବାଷାଢା
ଚନ୍ଦ୍ର- ଧନୁ
ଯୋଗ- ଅତିଗଣ୍ଡ
କରଣ – ବାଳବ
ସୌରମାସ- ତୁଳା ୧୧ ଦିନ
✧═════•❁❀❁•════✧
ସୁର୍ୟୋଦୟ-ପ୍ରାତଃ ଘ୦୫/୫୦/୧୨
ସୂର୍ଯ୍ୟାସ୍ତ -ସନ୍ଧ୍ୟା ଘ୦୫/୧୨/୧୫
*✧═════•❁❀
ଯୋଗିନୀ ଦକ୍ଷିଣେ;ପ୍ରାତଃ ଘ୦୬/୦୫ ଗତେ ପଶ୍ଚିମେ
ତୁଳା ଓ କୁମ୍ଭ ରାଶିର ଘତଚନ୍ଦ୍ର
ମିଥୁନ ରାଶିର ଘାତବାର
ଷଷ୍ଠୀ ର ଏକୋଦିଷ୍ଟ ଓ ପାର୍ବଣ ଶ୍ରାଦ୍ଧ
✧═════•❁❀❁•═══
କାଳବେଳା -ଦିବା ଘ୦୭/୧୫ ଗତେ ଘ୦୮/୪୨ ମଧ୍ୟେ
ବାରବେଳା- ଦିବା ଘ୦୨/୨୨ ଗତେ ଘ୦୪/୪୯ ମଧ୍ୟେ
*══•❁❀❁•═
ବିଶୁଦ୍ଧ ଅମୃତ ବେଳା- ଦିବା ଘ୦୭/୧୪ ମଧ୍ୟେ ଓ ଘ୦୯/୦୦ ଗତେ ଘ ୧୧/୨୫ ମଧ୍ୟେ ଓ ରାତ୍ରି ଘ୦୭/୩୮ ଗତେ ଘ ୧୦/୫୦ ମଧ୍ୟେ
ବିଶୁଦ୍ଧ ମାହେନ୍ଦ୍ର ବେଳ।- ନାସ୍ତି
═✧══•❁❀❁•═*════✧
ଅଦ୍ୟ ନିମ୍ବ ଭକ୍ଷଣ ନିଷେଧ
═✧*══•❁❀❁•═════
ଆଜିର ରାଶିଫଳ ✧═════•❁❀❁•═════
ମେଷ
ଆଜିର ଦିନଟିରେ ଆପଣଙ୍କ ଆତ୍ମିଅଙ୍କ ସହଯୋଗ କରିବାରୁ ଆନନ୍ଦିତ ରହିବେ । ବସ୍ତ୍ରଭୂଷଣ ପ୍ରାପ୍ତି ମାଧ୍ୟମରେ ଦିନଟି ଖୁସିରେ ଅତିବାହିତ କରିବେ। ସ୍ବାସ୍ଥ୍ୟ ସ୍ଥିତିରେ ସମ୍ପୂର୍ଣ୍ଣ ଉନ୍ନତି ଦେଖାଦେବ। ଶତ୍ରୁମାନେ ସୁଯୋଗ ଅପେକ୍ଷାରେ ରହିବେ କିନ୍ତୁ କୌଣସି କ୍ଷେତ୍ରରୁ ବାଧା ଦେଇପାରିବେ ନାହିଁ । ଅଧ୍ୟୟନ ଓ ଅଧ୍ୟାପନା କ୍ଷେତ୍ରରୁ ଶୁଭଫଳ ମିଳିବ
✧═════•❁❀❁•═════
ବୃଷ
ସାଧାରଣ କଥାକୁ କେନ୍ଦ୍ରକରି ବନ୍ଧୁଙ୍କ ସହ ମନୋମାଳିନ୍ୟ ଯୋଗୁ ମନ ଉଦାସ ରହିବ। ଭୁଲ୍ ବୁଝାମଣା ବଶତଃ କ୍ଷୁବ୍ଧ ହୋଇ ସ୍ତ୍ରୀ ମୁହଁ ଫେରାଇ ନେଇପାରନ୍ତି। ଯାତ୍ରା, ବାଣିଜ୍ୟରେ ଲାଭବାନ ହେବେ। ସ୍ବାସ୍ଥ୍ୟ ସମସ୍ୟା ନେଇ ଚିନ୍ତିତ ରହିବେ ସତ କିନ୍ତୁ ଅବହେଳା ଜନିତ କୌଣସି ଉପଚାର କରିବା ସହଜସାଧ୍ୟ ନ ହୋଇପାରେ।
✧═════•❁❀❁•═════
ମିଥୁନ
ଆଜି ଆତ୍ମୀୟ ସ୍ବଜନଙ୍କ ଗହଣରେ ଦିନଟି ହସଖୁସିରେ ଅତିବାହିତ ହେବ। ଆକସ୍ମିକ ଭାବରେ ଖର୍ଚ୍ଚଭାର ବୃଦ୍ଧି ପାଇବା କାରଣରୁ ଚିନ୍ତା ପ୍ରକଟ କରିପାରନ୍ତି। ବାରୁଦ ଓ ବିଦ୍ୟୁତ୍ ପ୍ରତି ସାବଧାନ ରହିବା ଭଲ। କ୍ରୀଡା, କଳା, ସାହିତ୍ୟ ଓ ପ୍ରଶାସନିକ ସ୍ତରରେ ଉଚ୍ଚ ସମ୍ମାନ ପାଇପାରନ୍ତି।
✧═════•❁❀❁•═════
କର୍କଟ
ଆଜି ସମସ୍ତ ଆଶା ଓ ଆକାଂକ୍ଷାକୁ ପୂରଣ କରିବାରେ ସାହାଯ୍ୟ କରିବ। କର୍ମକ୍ଷେତ୍ରରେ ସାଧାରଣ ସମସ୍ୟା ଆସିଲେ ମଧ୍ୟ ତାହାକୁ ଠିକ୍ ଭାବରେ ସାମନା କରିବାର ସାହସ ରଖି କୃତକାର୍ଯ୍ୟ ହେବେ। କରଜଦାତାଙ୍କ ଚାପ ବୃଦ୍ଧି ପାଇବା କାରଣରୁ ବ୍ୟସ୍ତତା ବୃଦ୍ଧି ପାଇବ। ସମସ୍ୟା ସମାଧାନର ଆଶା କରିପାରନ୍ତି।
✧═════•❁❀❁•═════
ସିଂହ
ଆଜି ସମ୍ପର୍କୀୟମାନଙ୍କ କାର୍ଯ୍ୟକଳାପ ନିଜପାଇଁ ଅସନ୍ତୋଷ ସୃଷ୍ଟି କରିବାରେ ସହାୟକ ହେବ। ପାରିବାରିକ କ୍ଷେତ୍ରରେ କିଛି କହିବା ଅପେକ୍ଷା ବରଂ ନୀରବ ରହିପାରିଲେ ଭଲ ହେବ।ପ୍ରତ୍ୟୁଷ ଯାତ୍ରାରେ ସଫଳତା ମିଳିବ। ଆଜି ଦିନଟି ଶିଳ୍ପ, ବାଣିଜ୍ୟ ଓ ବ୍ୟବସାୟ ତଥା ପରିବହନ ସକାଶେ ବହୁତ ଭଲ।
✧═════•❁❀❁•═════
କନ୍ୟା
ଆଜି ଅର୍ଥଲାଭ କରାଇବା ସହ ସମସ୍ୟା ସମାଧାନ ପାଇଁ ରାସ୍ତା ପରିଷ୍କାର କରିଦେବେ। ତଥାପି ଖଳକଥାରେ ପ୍ରଭାବିତ ହୋଇ ଚିତ୍ରା ନକ୍ଷତ୍ର ପରିବାର ସକାଶେ କିଛିଟା ଗୋଳମାଳିଆ ପରିସ୍ଥିତି ସୃଷ୍ଟି ହେବାର ଆଶଙ୍କା ରହିଛି। ନିଜ ପରିସରରେ ପିଲାମାନଙ୍କ ସକାଶେ ଅନ୍ୟମାନଙ୍କ ନିକଟରେ ମୁଣ୍ଡ ନୁଆଁଇବାକୁ ପଡିବ।
✧═════•❁❀❁•═════
ତୁଳା
ଆଜି ପ୍ରତ୍ୟେକ କ୍ଷେତ୍ରରେ ଉପସ୍ଥିତ ବୁଦ୍ଧି ଓ କୂଟନୀତି ପ୍ରୟୋଗ କରି କାମ ହାସଲ କରି ପାରିବେ। ପାଇବାକୁ ଥିବା ଅର୍ଥ କିମ୍ବା କୌଣସି ଜିନିଷପତ୍ର ପାଇବାରେ କଳହର ସମ୍ମୁଖୀନ ହୋଇପାରନ୍ତି। ଅଫିସରେ କିମ୍ବା କର୍ମକ୍ଷେତ୍ରରେ ଗୁଡାଏ କାମ ହାତକୁ ନେଇ ବ୍ୟଥିତ ହେବେ। ଅପ୍ରିୟ ସତ୍ୟ କଥା ପ୍ରକାଶ କରିବା ଦ୍ୱାରା ସମ୍ମାନ ବୃଦ୍ଧି ପାଇବ।
✧═════•❁❀❁•═════
ବିଛା
ଆଜି ମନ ଅସ୍ଥିର ରହିବ। କିନ୍ତୁ କୌଣସି ବ୍ୟବହାର୍ଯ୍ୟ ମୂଲ୍ୟବାନ୍ ଜିନିଷ କିଣିବା ଦିଗରେ ମନ ବଳାଇପାରନ୍ତି। ଯେ କୌଣସି କ୍ଷେତ୍ରରେ ହେଉନା କାହିଁକି ଆଜି ଆପଣ ପ୍ରତିଦ୍ୱନ୍ଦ୍ୱିତା କଲେ କିଛି ଲାଭ ହେବନାହିଁ।ଏଜେନ୍ସିପ୍, ସାମ୍ବାଦିକତା, ରାଜନୀତି ଓ ସାହିତ୍ୟ ପ୍ରଭୃତିରୁ ସୁଫଳ ପାଇବେ।
✧═════•❁❀❁•═════
ଧନୁ
କାଲିର ପରିସ୍ଥିତି କ୍ରମଶଃ ବଦଳିଯିବା ସାଙ୍ଗକୁ ସଙ୍କଟମୁ୍କ୍ତ ହୋଇପାରନ୍ତି। ଦିନର ପ୍ରତ୍ୟେକ କ୍ଷେତ୍ରରେ ପରୋକ୍ଷ ଶତ୍ରୁତାର ପ୍ରଭାବ ଅନୁଭବ କରିବାକୁ ପଡିପାରେ। ଅନ୍ୟମନସ୍କତା କିମ୍ବା ବିସ୍ମରଣଜନିତ କୌଣସି ଜିନିଷ ହରାଇ ପାରନ୍ତି। ସହକର୍ମୀ, ଭାଇ ଭଉଣୀ, ଅଧସ୍ତନ କର୍ମଚାରୀଙ୍କ ଦ୍ୱାରା କାର୍ଯ୍ୟ ସାଧନ କରିବେ।
✧═════•❁❀❁•═════
ମକର
ଆଜି କୌଣସି କାମରେ ସାହାଯ୍ୟ କରିବାକୁ ମନ ବଳିବ।କିନ୍ତୁ କର୍ମକ୍ଷେତ୍ରରେ ସହକର୍ମୀଙ୍କ କାମରେ ଅସନ୍ତୁଷ୍ଟ ହୋଇପାରନ୍ତି। ପାରିବାରିକ ଜୀବନରେ ସ୍ତ୍ରୀଙ୍କ ସହ ମତାନ୍ତର ସୃଷ୍ଟି ହେବାର ସମ୍ଭାବନା ରହିଛି। ଶିଳ୍ପ, ବାଣିଜ୍ୟ, ବ୍ୟବସାୟ, ପରିବହନ ଓ ନିର୍ମାଣ କ୍ଷେତ୍ରରେ ଉନ୍ନତମାନର ଫଳ ପାଇବେ।
✧═════•❁❀❁•═════
କୁମ୍ଭ
ଆଜି ପାରିବାରିକ ଜୀବନ ଓ କର୍ମକ୍ଷେତ୍ର ସରଳୀକୃତ ହେବ। ତଥାପି କେତେକ କ୍ଷେତ୍ରରେ ଜାଣିଶୁଣି ନୀରବତା ଅବଲମ୍ବନ କରିବାକୁ ବାଧ୍ୟ ହେବେ। ଆଶଙ୍କାଜନିତ ଅନ୍ୟମନସ୍କ ହେତୁ କେତେକ ବ୍ୟତିକ୍ରମ ପରିଲକ୍ଷିତ ହୋଇପାରେ। ଅର୍ଥ କିମ୍ବା ଦ୍ରବ୍ୟହାନି ଯୋଗୁ ବ୍ୟସ୍ତତା ବଢିଯିବାର ସୂଚନା ରହିଛ।
✧═════•❁❀❁•═════
ମୀନ
ଆଜି କର୍ମୋନ୍ନତି ସହ ସମ୍ମାନଜନକ ସ୍ଥିତିକୁ ନେବାରେ ସମର୍ଥ ହେବେ। କଳା, ସାହିତ୍ୟ, ସଙ୍ଗୀତ, କ୍ରୀଡ଼ା ଓ ଚଳଚ୍ଚିତ୍ର କ୍ଷେତ୍ରରେ ବେଶ୍ ଆଦୃତ ହୋଇପାରନ୍ତି। ବାଣିଜ୍ୟ, ବ୍ୟବସାୟ ଓ ପରିବହନରୁ ଲାଭବାନ ହେବେ। ଆନୁଷ୍ଠାନିକ କାମରେ ସତକଥା କହି ପ୍ରଶଂସିତ ହୋଇପାରନ୍ତି।
