ମରଣକୁ କିଏ ରଖି ଯେ ପାରିଛି*
ଶରଣ ପସିଲେ ଯେତେ ,
ହରଣ ଗୁଣନ ସିଏ ଏକା କରେ
ଭାଗଫଳ ଦିଏ ସତେ ।
ଯେତେବେଳେ ଜୀବନରେ ଖରାପ୍ ସମୟ ଆସେ ସେତେବେଳେ ଭାଙ୍ଗି ପଡ଼ନ୍ତୁ ନାହିଁ, ଦୁନିଆକୁ ଦେଖେଇ ଦିଅନ୍ତୁ ଯେ ଆପଣ ବି ଦୁର୍ବଳ ନୁହଁନ୍ତି ।*
କାହାକୁ କିଛି କହିବା ପୂର୍ବରୁ ସତର୍କ ହୋଇ କୁହନ୍ତୁ , ଆଜି ଯିଏ ସାଙ୍ଗ ଅଛି କାଲି ହୁଏତ ତୁମ ଶତ୍ରୁ ହୋଇ ଠିଆ ହୋଇ ପାରେ ।
ଜୀବନ ଏକ Minute ରେ କେବେ Change ହୁଏ ନାହିଁ କିନ୍ତୁ ଏକ Minute ରେ ନିଆଯାଇଥିବା Decision ଜୀବନକୁ Change କରି ଦେଇପାରେ ।
ଅଦ୍ଯ ମୀନ ଦି୨୧ନ, ଚୈତ୍ର ଶୁକ୍ଳ ଷଷ୍ଠୀ ଦ୪୦।୨୪ ରାଘ୯।୫୩,ରୋହିଣୀ ଦ୪।୫୪ ଦିଘ୭।୪୦,ବୃଷ ଚନ୍ଦ୍ର ଦ୩୩।୩୨ ରାଘ୭।୭।
ଭାରତୀୟ ସାଧାରଣ ସମୟ ଅନୁସାରେ (I.S.T.)
ମୀନ ଦ୨/୨୫/୦୦ ଇଂଘ ୫/୪୨/୪୦ ଗତେ ଉଦୟ।
କନ୍ୟା ଦ୩/୨୮/୨୦ ଇଂଘ ୫/୫୭/୫୬ ଗତେ ଅସ୍ତ।
ଯୋଗିନୀ ପଶ୍ଚିମେ । ରାତ୍ରି ଘ୯।୫୩ ଗତେ ବାୟବ୍ୟେ ଯାତ୍ରା ନାସ୍ତି। ଅଦ୍ଯ ଦେବତାଗଠନ,ନୌକାଗଠନ,ବାଣିଜ୍ୟକରଣ, ହଳପ୍ରବାହ ଓ ବୀଜବପନ, ଔଷଧିକରଣ ଓ ଭକ୍ଷଣ, ନାମକରଣ ଓ ଦୀକ୍ଷାଗ୍ରହଣ, ବ୍ରତୋପନୟନ,କର୍ଣ୍ଣବେଧ, ବିଦ୍ୟାରମ୍ଭ, ଅନ୍ନପ୍ରାଶନ୍ନ,ଚୂଡ଼ାକରଣ ନିଷ୍କର୍ମଣ ।ଗତ ଦିବସ ନକ୍ଷତ୍ର ଓ ରାଶିମାନଙ୍କର ତାରାଚନ୍ଦ୍ର ଶୁଦ୍ଧି ।ଦିବା ଘ୭।୪୦ ଗତେ ଆର୍ଦ୍ରା ପୁନର୍ବସୁ ଅଶ୍ଳେଷା ପୂର୍ବାଫାଃ ହସ୍ତା ସ୍ଵାତୀ ବିଶାଖା ଜ୍ୟେଷ୍ଠା ପୂର୍ବାଷାଢ଼ା ଶ୍ରବଣା ଶତଭିଷା ପୂର୍ବଭାଦ୍ର ରେବତୀ ଦ୍ଵିଜା ରୋହିଣୀ ଏ ନକ୍ଷତ୍ରମାନଙ୍କର ତାରାଶୁଦ୍ଧି *। ରାତ୍ରି ଘ୭।୭ ଗତେ ମିଥୁନ ସିଂହ ତୁଳା ଧନୁ ମକର କୁମ୍ଭ ମେଷ ବୃଷ ଏ ରାଶିମାନଙ୍କର ଚନ୍ଦ୍ରଶୁଦ୍ଧି । କନ୍ୟା ରାଶିର ଘାତଚନ୍ଦ୍ର । ତୁଳା ଓ କୁମ୍ଭ ରାଶିର ଘାତବାର | ଦିବା ଘ୨।୫୬ ଗତେ ଘ୬।୦ ମଧ୍ୟେ କାଳ ଓ ବାରବେଳା । ରାତ୍ରି ଘ୧୧।୫୨ ଗତେ ଘ୧।୨୦ ମଧ୍ୟେ କାଳରାତ୍ରି । ମତେ ରାତ୍ରି ଘ୯ ।୫୩ ଗତେ ପାଦଦୋଷ । ଫଳଂ ପଶୁହାନି | ଅନ୍ନଦାନ । ଷଷ୍ଠୀର ଏକୋଦ୍ଦିଷ୍ଟ ଓ ପାର୍ବଣ ଶ୍ରାଦ୍ଧ । ନିମ୍ବ ଭକ୍ଷଣ ନିଷେଧ
*(ଅମୃତ)- ରାତ୍ରି ଘ୧।୧୧ ଗତେ ଘ୩।୩୫ ମଧ୍ୟେ । (ମାହେନ୍ଦ୍ର)- ଦିବା ଘ୭।୨୬ ମଧ୍ୟେ ଘ୧୦।୨୯ ଗତେ ଘ୧୨।୫୩ ମଧ୍ୟେ ।
ରାଶି ଫଳ
ମେଷ: ନିଜର ସ୍ବଭାବକୁ ସଂପୂର୍ଣ୍ଣ କୋମଳ ରଖନ୍ତୁ। ମନର କଥା ମନରେ ରଖନ୍ତୁ, ସମୟ ଆପଣଙ୍କ ସପକ୍ଷରେ ନାହିଁ। ବ୍ୟବସାୟରେ ଆଶାନୁରୂପ ଲାଭ ପାଇବେ।
ବୃଷ: ଅଧିକତର କାମ ପାଇଁ ନିଜକୁ ପ୍ରସ୍ତୁତ ରଖିବେ। ସମାଜରେ କୌଣସି ସଂଗଠନ ଆରମ୍ଭ କରିବା ଲାଗି ଦିନଟି ଭଲ। ବ୍ୟବସାୟରେ ଆଶାଜନକ ଫଳ ପାଇବେ।
ମିଥୁନ: ମନ ଧାର୍ମିକ କାମରେ ଅଧିକ ଲାଗି ରହିବ। ଅନ୍ତିମ ମୁହୂର୍ତ୍ତରେ ଯୋଜନା ପରିବର୍ତ୍ତନ କରିବେ। ଆମଦାନିର ନୂଆ ଉତ୍ସ ପାଇବେ। ପାରିବାରିକ ଜୀବନ ସୁଖମୟ ହେବ।
କର୍କଟ: ନିଜର କାମ ପ୍ରତି ସତର୍କ ରୁହନ୍ତୁ। ବନ୍ଧୁଙ୍କ ବ୍ୟବହାର ଆଶ୍ଚର୍ଯ୍ୟଜନକ ହୋଇପାରେ। ଆର୍ଥିକ ସ୍ଥିତି ଚିନ୍ତାଜନକ ରହିବ। ଜୀବନସାଥୀଙ୍କ ସହଯୋଗ ପାଇବେ।
ସିଂହ: ସାରାଦିନ ଶରୀର ସୁସ୍ଥ ଓ ମନ ପ୍ରସନ୍ନ ରହିବ। ଆର୍ଥିକ ସ୍ଥିତିରେ ପ୍ରଗତି ହେବ। ଜରୁରୀ କାମ ପାଇଁ ଅଧିକ ଯାଆସ କରିବାକୁ ପଡ଼ିପାରେ। ପ୍ରେମ ଜୀବନ ଭଲ ରହିବ।
କନ୍ୟା: କମ୍ ପରିଶ୍ରମରେ ଯଥେଷ୍ଟ ଲାଭ ପାଇବେ। କୌଣସି ବନ୍ଧୁ ଦେଖା କରିବା ପାଇଁ ଆସିପାରନ୍ତି। ଫିଲ୍ମ କ୍ଷେତ୍ରରେ ଥିବା ଲୋକଙ୍କ ଲାଗି ଦିନଟି ଭଲ ରହିବ।
ତୁଳା: କୌଣସି କାମ ସଂପୂର୍ଣ୍ଣ କରିବା ଲାଗି ନିଜ ଉପରେ ଭରସା ରଖି ପରିଶ୍ରମ କରନ୍ତୁ। ଆର୍ଥିକ ସ୍ଥିତି ଯଥେଷ୍ଟ ମଜଭୁତ ହେବ। କଲେଜ ସାଙ୍ଗ ସହିତ ସମୟ ଅତିବାହିତ କରିବେ।
ବିଛା: ପରିବାରର କୌଣସି ଦାୟିତ୍ବ ଆପଣଙ୍କ ପାଖକୁ ଆସିବ। ଅଫିସରେ ଆପଣଙ୍କ କାମ ଦେଖି କର୍ତ୍ତୃପକ୍ଷ ଖୁସି ହେବେ। ଛାତ୍ରଛାତ୍ରୀଙ୍କର ଲେଖାପଢ଼ାରେ ମନ ଲାଗିବ।
ଧନୁ: ନିଜର ଶକ୍ତିକୁ ବ୍ୟର୍ଥ ହେବାକୁ ଦିଅନ୍ତୁ ନାହିଁ। କାମ ସକାରାତ୍ମକ ରୂପେ ସଂପୂର୍ଣ୍ଣ ହେବ। କୌଣସି ବଡ଼ ସମାଧାନ କରିବା ପୂର୍ବରୁ ଭଲଭାବେ ବିଚାର କରିନିଅନ୍ତୁ।
ମକର: ତର୍କ ବଳରେ କାହାରିକୁ ବି ନିଜ କଥାରେ ସହମତ କରାଇନେବେ। ଧନଲାଭର ଅବସର ପାଇବେ। କାରବାରରେ ନୂଆ ଲୋକଙ୍କ ସହିତ ସଂପର୍କ ହେବ।
କୁମ୍ଭ: ଦିନଟି ବ୍ୟସ୍ତତାରେ କଟିବ। ସବୁ ଅଧୁରା କାମ ସଂପୂର୍ଣ୍ଣ ହୋଇଯିବ। ବ୍ୟବସାୟରେ ଧନଲାଭ ଯୋଗ ରହିଛି। ବେକାରଙ୍କୁ ଚାକିରି ମିଳିପାରେ।
ମୀନ: କ୍ୟାରିୟର ସହ ଜଡ଼ିତ କୌଣସି ମାମଲାର ସମାଧାନ ହେବ। ଜମି ଦଲାଲଙ୍କୁ ଯଥେଷ୍ଟ ଲାଭ ହେବ। କୌଣସି ନିକଟ ସଂପର୍କୀୟ ଆର୍ଥିକ ସହାୟତା ମାଗିବେ।
