ସାଇବର ଅପରାଧ ପାଇଁ ଆକ୍ସନ ପ୍ଲାନ – ଡିଜିପି

ଭୁବନେଶ୍ୱର : ଦିନକୁ ଦିନ ସାଇବର ଅପରାଧ ବଢି ଚାଲିଛି । ସାଇବର ଅପରାଧ ଅଧିକ ବଢୁଥିବା ନେଇ ଡିଜିପି ୱାଇ ବି ଖୁରାନିଆ ପ୍ରତିକ୍ରିୟା ରଖିଛନ୍ତି । କହିଛନ୍ତି , ସାଇବର ଅପରାଧୀଙ୍କୁ  ସାବାଡ କରିବାକୁ  ଆକ୍ସନ ପ୍ଲାନ ପ୍ରସ୍ତୁତ ଚାଲିଛି । ମାତ ଦେବାକୁ  ପୁଲିସ କର୍ମଚାରୀଙ୍କୁ ଦିଆଯିବ ଟ୍ରେନିଂ । କିଭଳି ତଦନ୍ତ କରିବେ  ସେନେଇ ଅତ୍ୟାଧୁନିକ ଟ୍ରେନିଂ ମିଳିବ । ଅଧିକରୁ ଅଧିକ  ତଦନ୍ତକାରୀ ଅଫିସରଙ୍କୁ ଟ୍ରେନିଂ ଦିଆଯିବ । ଭୁବନେଶ୍ୱର ଆଇଆଇଟି  ଓ ଗାନ୍ଧୀନଗରର ଏନଏଫଏସୟୁ ସହ  ଏମଓୟୁ ହେବ । ସାଇବର ଅପରାଧ  ରୋକିବା ଦିଗରେ  ଉଭୟ ସଂସ୍ଥାଠୁ ସହାୟତା ନିଆଯିବ ।  ସାଇଭର ଅପରାଧ ରୋକିବାକୁ ଓଡିଶାରେ ହେବ  ସେଣ୍ଟର ଅଫ ଏକ୍ସିଲେନ୍ସ । ସାଇବର ଠକକୁ ମାତ ଦେବାରୁ  ଏଆଇର  ସହାୟତା ନେବ ପୋଲିସ । ଏବେ ସୁଦ୍ଧା ୧୪ ଜିଲ୍ଲାରେ ନାହିଁ ସାଇବର ଥାନା ।