ରିପୋର୍ଟ ଆସିଲେ କାର୍ଯ୍ୟାନୁଷ୍ଠାନ: ସିଏମସି

କଟକ: କଟକ ମହାନଗର ନିଗମ କମିଶନରଙ୍କ ପ୍ରତିକ୍ରିୟା । ମୃତକଙ୍କ ପତ୍ନୀଙ୍କ ଚାକିରୀ ଅନୁରୋଧ ବିଚାରକୁ ନେବା ସିଏମସି । ତଦନ୍ତ କମିଟି ରିପୋର୍ଟ ଦେବା ପରେ କାର୍ଯ୍ୟାନୁଷ୍ଠାନ ନିଆଯିବ । ସୂଚନାଯୋଗ୍ୟ , ଗତକାଲି ଡ୍ରେନ କାମ ବେଳେ ଚାଲିଯାଇଥିଲା ଜଣଙ୍କ ଜୀବନ । ଏଭଳି ଅଭାବନୀୟ ଘଟଣା ଘଟିଥିଲା କଟକ ଜିଲ୍ଲା , ବିଡାନାସୀ ଅଞ୍ଚଳରେ । ଡ୍ରେନ କାନ୍ଥ ପଡି ଜଣେ ମୃତ , ୨ ଗୁରୁତର ଆହତ ହୋଇଥିବା ଖବର ସାମ୍ନାକୁ ଆସିଥିଲା । ଡ୍ରେନ କାମ ଚାଲିଥିବା ବେଳେ , ଏଭଳି ଘଟଣା ଘଟିଥିଲା । ତେବେ ଠିକାଦାର ଶ୍ରମିକ ମାନଙ୍କୁ କାମରେ ଲଗେଇଥିଲେ । ସ୍ଥାନୀୟ ଲୋକଙ୍କ କହିବା ମୁତାବକ କାନ୍ଥ ଟି ଦୁର୍ବଳ ଥିବାରୁ ଏଭଳି ଅଭାବନୀୟ ଘଟଣା ଘଟିଥିଲା । ତେବେ ଆଜି ଶବ କୁ ରାସ୍ତା ଉପରେ ରଖି ଦାବି କରାଯାଇଥିବା ଦେଖିବାକୁ ମିଳିଥିଲା । ଏହି ପରିପେକ୍ଷୀରେ କମିଶନର ପ୍ରତିକ୍ରିୟା ରଖିଛନ୍ତି ।