ଦୁର୍ଘଟଣାରେ ବିଧାୟକ ଆହତ

ଖୋର୍ଦ୍ଧା: ଖୋର୍ଦ୍ଧା ବଡ଼ପୋଖରୀଆ ଛକ ନିକଟରେ ଖଲ୍ଲିକୋଟ ବିଧାୟକଙ୍କ ଗାଡି ଦୁର୍ଘଟଣାଗ୍ରସ୍ତ ହୋଇଛି । ବିଧାୟକଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଖବର ଅନୁଯାୟୀ, ସୋମବାର ଦିନ ଖଲ୍ଲିକୋଟ ବିଧାୟକ କୌଣସି କାମରେ ଭୁବନେଶ୍ୱର ଆସୁଥିଲେ । ଟାଙ୍ଗୀ ବଡ଼ପୋଖରୀଆ ଛକ ନିକଟରେ ବିଧାୟକ ଗାଡି ଏକ ଅଟୋରିକ୍ସାକୁ ପଛପଟୁ ପଟିଥିଲା ।  ଯାହାଫଳରେ ଉଭୟ ଗାଡିର କ୍ଷତି ହୋଇଥିବା ଦେଖିବାକୁ ମିଳିଛି । ଏପିରିକି ଅଟୋ ରିକ୍ସାର ପଛ ପଟଟି ଭାଙ୍ଗି ଥିବା ବେଳେ ବିଧାୟକଙ୍କ କାର୍‌ ମଧ୍ୟ ସାମାନ୍ୟ କ୍ଷତି ହୋଇଛି । ସେପଟେ ଦୁର୍ଘଟଣା ପରେ ବିଧାୟକ ସାମାନ୍ୟ ଆହତ ହୋଇଛନ୍ତି । ବିଧାୟକଙ୍କୁ ଆହତ ଅବସ୍ଥାରେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଦୁର୍ଘଟଣା ପରେ କିଛି ସମୟ ପାଇଁ ଘଟଣାସ୍ଥଳରେ ଉତ୍ତେଜନା ଦେଖିବାକୁ ମିଳିଥିଲା ।