ନେଦରଲ୍ୟାଣ୍ଡସ୍: ନେଦରଲ୍ୟାଣ୍ଡସ୍ରେ ଖ୍ରୀଷ୍ଟମାସ ପରେଡ୍ ଦେଖିବାକୁ ଅପେକ୍ଷା କରିଥିବା ଲୋକଙ୍କ ଭିଡ଼ ଉପରେ ଚଢ଼ିଗଲା ଏକ କାର। କାରଟି ଭିଡ଼ ଉପରେ ଚଢ଼ିଯିବାରୁ ଅତି କମରେ ୯ ଜଣ ଆହତ ହୋଇଛନ୍ତି, ଯାହା ମଧ୍ୟରୁ ୩ ଜଣଙ୍କ ଅବସ୍ଥା ଗୁରୁତର ବୋଲି କୁହାଯାଉଛି। ଗେଲ୍ଡରଲ୍ୟାଣ୍ଡ ପୋଲିସ ସୂଚନା ଦେଇଛି ଯେ ଏହା ଜଣାପଡୁଛି ଯେ ଘଟଣାଟି ଉଦ୍ଦେଶ୍ୟମୂଳକ ନୁହେଁ, କିନ୍ତୁ ପୋଲିସ ଏହାର ତଦନ୍ତ କରୁଛି। ଘଟଣା ସମ୍ପର୍କରେ ଖବର ପାଇବା ମାତ୍ରେ ଜରୁରୀକାଳୀନ ସେବା ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି। ଆମଷ୍ଟରଡାମରୁ ପ୍ରାୟ ୮୦ କିଲୋମିଟର ପୂର୍ବରେ ଥିବା ନନସପିଟ୍ ସହରରେ, ଲୋକମାନେ ଖ୍ରୀଷ୍ଟମାସ ଆଲୋକରେ ସଜ୍ଜିତ କାରଗୁଡ଼ିକର ଏକ ପରେଡ୍ ଦେଖିବା ପାଇଁ ଅପେକ୍ଷା କରିଥିଲେ। ସେହି ସମୟରେ ଏକ କାର ଭିଡ଼ ଉପରେ ଚଢ଼ିଯାଇଥିଲା। ଏହି ଘଟଣା ପରେ, ଆଲବର୍ଗ ସହର ପ୍ରଶାସନ ସୋସିଆଲ ମିଡିଆରେ ଘୋଷଣା କରିଥିଲା ଯେ ପରେଡ୍ ବନ୍ଦ କରାଯାଇଛି।
