ବାଇକକୁ ପିଟିଲା ପିକଅପ୍, ଦୁଇ ମୃତ

ଧର୍ମଗଡ : ବାଇକକୁ ପିଟିଲା ପିକଅପ୍ । ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଥାନା ଶ୍ରୀରାମପଡ଼ା ନିକଟରେ ଏକ ବାଇକକୁ ପିକଅପ ଗାଡ଼ି ଧକ୍କା ଦେବାରୁ ଘଟଣା ସ୍ଥଳରେ ବାଇକରେ ଥିବା ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ମୃତକ ହେଲେ ସ୍ଥାନୀୟ ଗଣ୍ଡାମେର ଗାଁର ଗୋପାଳ ନାଏକ ଓ ନୂଆପଡ଼ା ଜିଲ୍ଲା ଅନକାପୁର ଗାଁର କିଶୋର ନାଏକ । ଗୁରୁତର ଥିବା ସୁନୁନିକୁଣ୍ଡା ଗାଁର ପ୍ରତ୍ୟୁଶ ଟୋଲଟିଆଙ୍କୁ ସ୍ଥାନୀୟ ଲୋକେ ଆମ୍ବୁଲାନ୍ସ ଯୋଗେ ଧର୍ମଗଡ ଉପଖଣ୍ଡ ଚିକିତ୍ସାଳୟକୁ ପଠାଇ ଦେଇଛନ୍ତି । ତିନିଜଣ ଏକ ବାଇକରେ ଗୋଲାମୁଣ୍ଡା ପଟୁ ବୃନ୍ଦା ବହାଲ ଅଭିମୁଖେ ଆସୁଥିବା ବେଳେ ଶ୍ରୀରାମପଡ଼ା ନିକଟରେ ପିକଅପ ଭ୍ୟାନ୍ ଧକ୍କା ଦେଇଥିଲା । ଘଟଣାସ୍ଥଳରେ ଚାପା ଉତ୍ତେଜନା ଲାଗି ରହିଥିବା ବେଳେ ଗୋଲାମୁଣ୍ଡା ଓ ଦଶପୁର ପୋଲିସ ଉପସ୍ଥିତ ରହିଛି ।