ପୁଣି ଆଇସିୟୁରେ ଭର୍ତ୍ତି ହେଲେ ଅଭିଜିତ

ଭୁବନେଶ୍ୱର: ଓଡ଼ିଆ ଚଳଚ୍ଚିତ୍ର ସଂଗୀତ ନିର୍ଦ୍ଦେଶକ ଅଭିଜିତ ମଜୁମଦାରଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିବା ପରେ ତାଙ୍କୁ ପୁଣି ଥରେ ଭୁବନେଶ୍ୱର ଏମ୍ସର ଆଇସିୟୁକୁ ସ୍ଥାନାନ୍ତର କରାଯାଇଛି। ହସ୍ପିଟାଲ କର୍ତ୍ତୃପକ୍ଷ ମଜୁମଦାରଙ୍କ ସ୍ୱାସ୍ଥ୍ୟ ଅବସ୍ଥା ସମ୍ପର୍କରେ ଏକ ନୋଟ୍ ଜାରି କରିଛନ୍ତି ଯେଉଁଥିରେ ଉଲ୍ଲେଖ କରାଯାଇଛି ଯେ ସ୍ନାୟୁ ସମସ୍ୟାରେ ଉନ୍ନତି ନ ଆସିବାରୁ ଅଭିଜିତଙ୍କୁ ପୁଣି ଥରେ ଆଇସିୟୁକୁ ସ୍ଥାନାନ୍ତର କରାଯାଇଛି। ନୋଟରେ ଲେଖାଯାଇଛି, “ତାଙ୍କ ସ୍ନାୟୁଗତ ସ୍ଥିତିରେ କୌଣସି ଉନ୍ନତି ହୋଇନାହିଁ ଏବଂ ସେ ଲଗାତାର କୋମା ଅବସ୍ଥାରେ ଅଛନ୍ତି। ଗତ ୨୪ ଘଣ୍ଟା ମଧ୍ୟରେ ତାଙ୍କ ଅବସ୍ଥା ଆହୁରି ଖରାପ ହୋଇଛି, ତାଙ୍କୁ ଯାନ୍ତ୍ରିକ ଭେଣ୍ଟିଲେସନ ସହାୟତା (ସ୍ନାୟୁଗତ ଅବସ୍ଥାର କ୍ରମାଗତ ଖରାପ ହେବା ଏବଂ ନୂତନ ସଂକ୍ରମଣ) ଏବଂ ହେମୋଡାଇନାମିକ୍ସ ବଜାୟ ରଖିବା ପାଇଁ ଭାସୋପ୍ରେସର ଆବଶ୍ୟକ। ତାଙ୍କୁ ଆଜି ସକାଳେ ପୁଣି ଥରେ ମେଡିକାଲ ଆଇସିୟୁକୁ ସ୍ଥାନାନ୍ତରିତ କରାଯାଇଛି କାରଣ ତାଙ୍କୁ ଅଧିକ ସଘନ ଚିକିତ୍ସା ଏବଂ ମନିଟରିଂ ଆବଶ୍ୟକ ହେଉଛି।” ନୋଟରେ ଏହା ମଧ୍ୟ କୁହାଯାଇଛି ଯେ ଗତ ୨୪ ଘଣ୍ଟା ମଧ୍ୟରେ ଅଭିଜିତଙ୍କ ସ୍ୱାସ୍ଥ୍ୟାବସ୍ଥା ଖରାପ ହୋଇଛି। ସୂଚନାଯୋଗ୍ୟ ଯେ ଅଭିଜିତ ସେପ୍ଟେମ୍ବର ୪ ତାରିଖରୁ ଭୁବନେଶ୍ୱରର ଏମ୍ସରେ ଚିକିତ୍ସାଧୀନ ଅଛନ୍ତି।