ଛାତ୍ରୀଙ୍କୁ କାମୁଡ଼ିଲା ସାପ; ଚାଲିଗଲା ଜୀବନ

ଗଞ୍ଜାମ : ଗଞ୍ଜାମ ଜିଲ୍ଲା ଭଞ୍ଜନଗର ବ୍ଲକ ଦର୍ପଙ୍ଗିଆ ଆବାସିକ ବିଦ୍ୟାଳୟରେ ଘଟିଛି ଅଭାବନୀୟ ଘଟଣା । ରାତି ଅଧରେ ଛାତ୍ରୀଙ୍କୁ କାମୁଡ଼ିଲା ସାପ । ପିଲାଟିକୁ ତୁରନ୍ତ ମେଡିକାଲ ନିଆଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୃତ ଛାତ୍ରୀ ଜଣକ ହେଲେ ରିଧି ପ୍ରଧାନ । ଗତ ରାତିରେ ରିଧି ନିଜ ସାଙ୍ଗମାନଙ୍କ ସହ ହଷ୍ଟେଲରେ ଶୋଇଥିଲେ। ଏହି ସମୟରେ ଏକ ଚିତି ସାପ ଆସି ତାଙ୍କୁ କାମୁଡି ଦେଇଥିଲା । ସେ ଚିତ୍କାର କରିବା ପରେ ସମସ୍ତେ ନିଦରୁ ଉଠିଯାଇଥିଲେ । ପିଲାମାନେ ସାପଟିକୁ ଦେଖି ମାରିଦେଇଥିଲେ । ଏହାପରେ ତୁରନ୍ତ ହଷ୍ଟେଲ କର୍ମଚାରୀମାନେ ଗୁରୁତର ଛାତ୍ରୀଙ୍କୁ ଭଞ୍ଜନଗର ମେଡ଼ିକାଲକୁ ନେବା ସହ ତାଙ୍କ ପରିବାରବର୍ଗଙ୍କୁ ଖବର ଦେଇଥିଲେ। ପରିବାର ଲୋକ ସଙ୍ଗେସଙ୍ଗେ ମେଡିକାଲରେ ପହଞ୍ଚିଥିଲେ।